Veitunefnd Svf Skagafjarðar

Lagt var fyrir fundinn erindi frá íbúum í Efribyggð vegna möguleika á hitaveitutengingum í Efribyggð.

Verið er að vinna að kostnaðargreiningu á þeim svæðum í Skagafirði sem liggja utan núverandi 5 ára framkvæmdaáætlunnar.

Stefnt er á að ljúka þeirri vinnu á næstu vikum og tillögu að framkvæmdaáætlun um áramót.

Vinnu við lagningu hitaveitu í Fljótum lýkur á næstu dögum.

Framkvæmd við nýjan vatnstank hefur þegar sannað gildi sitt, því í núverandi sláturtíð hefði einn tankur ekki annað þörfum.

Vinna við að tengja sandsíur í lokahúsi vatnstanks er hafin.

Formanni og sviðstjóra falið að ganga frá samningum vegna borholu og við landeiganda Hverhóla um leigu á landi. Í framhaldi verður boðað til íbúafundar um hitaveituvæðingu.

Sviðstjóra falið að ganga frá samningi vegna hitaveitulagnar að Barði í Fljótum.

Farið var yfir ljósleiðaravæðingu í dreifbýli í Skagafirði.

Sett verður af stað vinna við að hanna og kostnaðargreina ljósleiðaravæðingu dreifbýlis í sveitarfélaginu.

Ákveðið að fá fulltrúa frá Mílu á næsta fund nefndarinnar.