Stefnumótun í ferðaþjónustu í Skagafirði

Rætt um vinnu við gerð stefnumótunar fyrir ferðaþjónustu í Skagafirði. Móttekin hafa verið tilboð frá tveimur aðilum í gerð slíkrar stefnumótunar. Starfsmönnum falið að fara yfir tilboðin í samráði við Félag ferðaþjónustunnar í Skagafirði.

Afgreiðsla 31. fundar atvinnu- menningar- og kynningarnefndar staðfest á 339. fundi sveitarstjórnar 13. apríl 2016 með níu atkvæðum.

Fjallað um tilboð í uppfærslu á stefnumótun í ferðaþjónustu í Skagafirði. Atvinnu-, menningar- og kynningarnefnd samþykkir að ganga til samninga við Thorp ehf. um vinnuna, í samstarfi við Félag ferðaþjónustunnar í Skagafirði sem mun leggja framlag til verksins.

Afgreiðsla 32.fundar atvinnu- menningar- og kynningarnefndar staðfest á 341. fundi sveitarstjórnar 11. maí 2016 með níu atkvæðum.

Lögð fram til kynningar drög að stefnumótun í ferðaþjónustu í Skagafirði.

Kynnt drög að stefnumótun fyrir ferðaþjónustu í Skagafirði.

Lögð fyrir drög að stefnumótun í ferðaþjónustu í Skagafirði fyrir árin 2016-2020.

Nefndin samþykkir fyrirliggjandi drög fyrir sitt leyti.

Tekin fyrir stefnumótun í ferðaþjónustu í Skagafirði 2016-2020 sem Þorgeir Pálsson hjá Thorp ehf. vann fyrir Sveitarfélagið Skagafjörð í samvinnu við Félag ferðaþjónustunnar í Skagafirði.

Undir þessum lið komu þau Þórhildur Jónsdóttir og Rúnar Máni Gunnarsson frá Félagi ferðaþjónustunnar í Skagafirði, Davíð Jóhannsson frá SSNV og Þorgeir Pálsson frá Thorp ehf. sem tók þátt í fundinum símleiðis.

Atvinnu-, menningar- og kynningarnefnd samþykkir þessa stefnumótun fyrir sitt leyti. Stefnumótunin verður formlega kynnt á opnum fundi á Hólum í Hjaltadal, þriðjudaginn 9. maí nk. kl. 13.