Barnaskóli Freyjugötu - kauptilboð

Farið yfir kauptilboð sem bárust í gamla barnaskólann við Freyjugötu á Sauðárkróki. Eitt tilboð barst frá Friðriki Jónssyni ehf fyrir hönd óstofnaðs dótturfélags. Tilboðsgjafi fyrirhugar að breyta gamla barnaskólanum að meðtöldum leikfimisal í 10 íbúðir. Jafnframt er áhugi á að byggja við Freyjugötu 4 íbúðir (2 parhús). Samtals er því fyrirhugað að byggja á lóðinni 14 íbúðir.
Byggðarráð felur sveitarstjóra að koma á fundi með tilboðsgjafa.

Afgreiðsla 735. fundar byggðarráðs staðfest á 339. fundi sveitarstjórnar 13. apríl 2016 með níu atkvæðum.

Málið áður á dagskrá 735. fundar byggðarráðs þann 7. apríl 2016. Á fundinn komu undir þessum dagskrárlið fulltrúar Friðriks Jónssonar ehf., Ólafur Friðriksson, Sigurjóna Skarphéðinsdóttir og Friðrik Ólafsson til viðræðu og kynningar á tilboði fyrirtækisins í barnaskólann við Freyjugötu.
Byggðarráð samþykkir að taka tilboði Friðriks Jónssonar ehf. með þeim fyrirvörum sem tilgreindir eru í auglýsingu og tilboði og felur sveitarstjóra að vinna að gerð samnings við fyrirtækið.

Afgreiðsla 736. fundar byggðarráðs staðfest á 341. fundi sveitarstjórnar 11. maí 2016 með níu atkvæðum.

Málið áður á dagskrá 735. fundar og 736. fundar byggðarráðs. Á 736. fundi byggðarráðs þann 7. apríl s.l. var tilboði í fasteignina tekið.
Byggðarráð samþykkir að fela sveitarstjóra að gera kaupsamning við Sýl ehf. sem er í eigu Friðriks Jónssonar ehf. og Snæbóls ehf.

Afgreiðsla 746. fundar byggðarráðs staðfest á 344. fundi sveitarstjórnar 29. júní 2016 með átta atkvæðum.
Ingibjörg Huld Þórðardóttir óskar bókað að hún sitji hjá við afgreiðslu þessa máls.