Félagsheimili Rípurhrepps

Rætt um málefni Félagsheimilisins í Hegranesi og ákveðið að boða hússtjórn hússins á næsta fund nefndarinnar.

Afgreiðsla 51. fundar menningar- og kynningarnefndar staðfest á 276. fundi sveitarstjórnar með níu atkvæðum.

Lagt fram minnisblað varðandi stöðu á rekstri félagsheimilisins í Hegranesi. Ákveðið að ræða málið betur á næsta fundi.

Afgreiðsla 52. fundar menningar- og kynningarnefndar staðfest á 277. fundi sveitarstjórnar með níu atkvæðum.

Rætt um stöðu mála varðandi rekstur Félagsheimilisins í Hegranesi. Ákveðið að halda næsta fund nefndarinnar í húsinu og fá starfandi húsnefnd til þess fundar.

Til fundarins komu Sævar Einarsson og Ingibjörg Jóhannesdóttir úr hússtjórn Félagsheimilisins í Hegranesi til viðræðna um framtíðarfyrirkomulag á rekstri hússins. Nýting á húsinu hefur verið lítil undanfarin ár en ástand hússins er hinsvegar nokkuð gott. Sævar hefur verið húsvörður félagsheimilisins um áratuga skeið, að mestu launalaust og hann óskar nú eftir því að láta af störfum.

Nefndin ákveður að auglýsa eftir rekstaraðila fyrir húsið með sama hætti og gert hefur verið í Ketilási, Skagaseli og víðar. Áskell Heiðar annast auglýsinguna.

Lögð fram umsókn frá Halldóri B. Gunnlaugssyni og Hildi Þóru Magnúsdóttir þar sem þau sækjast eftir því að gerast rekstraraðilar Félagsheimilisins í Hegranesi.

Nefndin felur sviðsstjóra að ganga til viðræðna við þau um rekstur hússins, að höfðu samráði við hússtjórn hússins.