Menningar- og kynningarnefnd

Lögð fram til kynningar staða á þeim liðum fjárhagsáætlunar sem Menningar- og kynningarnefnd fer með.

Lagt fram erindi frá Karlakórnum Heimi þar sem óskað er eftir því að fá að nýta annað herbergi í kjallara en ráð var fyrir gert í samningi sem gerður var milli kórsins og hússins dags. 23.10.2009. Áður á dagskrá nefndarinnar þann 4.3. sl.

Nefndin sér sér ekki fært að verða við erindinu.

Tekið fyrir erindi frá Hjalta Pálssyni, áður til umfjöllunar á síðasta ári, þar sem hann óskar eftir rannsóknarleyfi til eins árs, sem þó yrði tekið á 2-3 árum. Að höfðu samráði við stjórn Byggðarsögu mælir nefndin með að veita Hjalta leyfið.

Lagður fram til kynningar nýr Menningarsamningur fyrir Norðurland vestra fyrir árið 2010.

Nefndin fagnar samningnum og leggur þunga áherslu á að framhald verði á samstarfi ríkis og sveitarfélaga á grundvelli menningarsamninga.

Lagðar fram upplýsingar um styrkveitingar frá Ferðamálastofu til uppbyggingar á snyrtingum fyrir fatlaða á lóð Byggðasafnins í Glaumbæ.

Lagt fram til kynningar erindi frá Félag íslenskra safna og safnmanna og Íslandsdeild ICOM (Alþjóðaráð safna) þar sem tilkynnt er að Byggðasafn Skagfirðinga sé útnefnt til verðlaunanna þetta árið.´

Nefndin fagnar þessari verðskulduðu tilnefningu og þakkar starfsfólki safnsins fyrir það góða starf sem nú hlýtur þá athygli sem það á skilið.

Lagt fram til kynningar erindi frá Húsafriðunarnefnd þar sem tilkynnt er um styrkveitingu til endurbyggingingar Tyrfingsstaða á Kjálka upp á kr. 300.000.

Lagt fram erindi frá Stofnun Árna Magnússonar í íslenskum fræðum þar sem farið er fram á styrk til útgáfu örnefnahandbókar.

Nefndin sér sér ekki fært að styrkja útgáfuna.

Lögð fram til kynningar Sumardagskrá 2010 fyrir Skagafjörð. Nefndin samþykkir að dagskráin verði einungis gefin út í rafrænu formi þetta árið.

Formaður þakkaði gott samstarf og samvinnu á kjörtímabilinu og tóku nefndarmenn undir það. Að svo búnu hélt nefndin út í vorið.