Menningar- og kynningarnefnd

Lagt fram til kynningar árangursmat varðandi samning ríkis og sveitarfélaga á Norðurlandi vestra um menningarmál.
Nefndin hvetur málsaðila til þess að endurnýja samning um menningarmál á Norðurlandi vestra, enda hefur núverandi samningur verið lyftistöng fyrir menningarlíf á svæðinu.

Nefndin sér sér ekki fært að verða við erindinu, styrkveitingar til menningarmála í sveitarfélaginu fara fram á vettvangi Menningarráðs Norðurlands vestra.

Lögð fram drög að nýtingarstefnu Menningarhússins Miðgarðs sem nefndin samþykkir fyrir sitt leiti. Ákveðið að óska eftir fundi með öðrum eigendum hússins hið fyrsta og leggja nýtingarstefnuna fyrir þá.

Lagt fram erindi frá Bandalagi íslenskra leikfélaga þar sem leitað er eftir húsnæði fyrir sumarskóla sambandsins. Guðrúnu Brynleifsdóttur falið að ræða við forsvarsmenn bandalagsins og kynna þeim aðstæður í Skagafirði.

Lagður fram til kynningar samningur milli Byggðasafnsins og rekstraraðila veitingasölu í Áshúsi.

Lagðar fram til kynningar niðurstöður úr þjónustukönnun Capacent sem gerð var fyrir sveitarfélagið. Nefndin ræddi sérstaklega þá liði sem varða starfssvið hennar. Meðal niðurstaðna er að ánægja með menningarframboð hefur aukist frá síðustu könnun árið 2005 og fagnar nefndin því. Þá kemur einnig fram að starfsemi safna í Skagafirði fær góða dóma íbúa. Hinsvegar er áhyggjuefni að íbúar eru almennt óánægðir með aðgengi að upplýsingum um afgreiðslu mála og ákvarðanatöku hjá sveitarfélaginu. Menningar- og kynningarnefnd skorar á nefndir og ráð sveitarfélagsins að bregðast við vilja íbúa með því að fylgja ákvörðunum sínum betur eftir með aukinni kynningu til íbúa.
Ennfremur ákveður nefndin að taka heimasíðu sveitarfélagsins til endurskoðunar.