Umhverfis- og samgöngunefnd Svf Skagafjarðar

Ársskýrsla umhverfis og tæknisviðs lögð fram. Jón Örn fór yfir og kynnti skýrsluna, helstu verkþætti og kostnaðarliði sem heyra undir Umhverfis-og tæknisviðið.

Skagafjarðarhafnir yfirlit, yfir hafnarstarfsemi 2010. Gunnar Steingrímsson hafnarvörður kynnti yfirlit ársins 2010 yfir skipakomur og landaðan afla í Skagafirði.
Skipakomum flutningaskipa í Sauðárkrókshöfn hefur fækkað milli ára. Samtals er hér um að ræða 11.195 brúttótonn sem er aukning um 1000 tonn. Aukning er í lönduðum afla á Sauðárkróki um rúmlega 2.444 tonn. Samtals komu tæp 14.430 tonn á land. Í Hofsóshöfn var minni afla landað en 2009 sem munar um 469 tonnum. Landaður afli á Hofsósi var um 890 tonn. Í Haganesvík var engum afla landað.

Tekið fyrir bréf Siglingastofnunar Íslands dagsett 26.01.2011. Þar er gerð grein fyrir að í samgönguáætlun 2009-2012 sé gert ráð fyrir að á árinu 2011 verði varið 14,9 milljónum króna til nýframkvæmda í hafnargerð og 6,6 milljónum í sjóvarnargarða í sveitarfélaginu. Þetta er hluti ríkisins sem er 75% af áætluðum kostnaði. Þau verk sem hér um ræðir eru lenging og endurbygging sandfangara í Sauðárkrókshöfn og lenging sjóvarna við Hraun á Skaga. Umhverfis- og samgöngunefnd samþykkir að ráðist verði í ofangreindar framkvæmdir og vísar erindinu til Byggðarráðs vegna fjárveitingar.

Gunnar Steingrímsson gerði grein fyrir að bílavogin við Þangstaði í Hofsósi sé biluð og ekki svari kostnaði að endurnýja hana. Höfnin á vog sem notuð er í Hofsósi og fullnægir þörfum hafnarinnar. Þá gerði Gunnar grein fyrir að ekki sé lengur þörf að eiga húsið Þangstaði vegna starfsemi hafnarinnar. Samþykkt að afleggja bílavogina, skoða með möguleika á að selja húsið og nýtanlega hluti vogarinnar.

Umræður um smábátahöfn Sauðárkróki. Sviðsstjóra og yfirhafnarverði falið að skoða með hönnun mannvirkjanna.

Ársreikningur Hafnasambands Íslands lagður fram til kynningar samkvæmt lögum Hafnasambandsins. Ekki eru gerðar athugasemdir við reikninginn.

Lögð fram tilkynning frá Moltu ehf Furuvöllum 1 varðandi gjaldskrárbreytingu. Móttökugjald vegna lífræns úrgangs hækkar úr kr 15 pr kíló í 19,5 kr/kg. Formanni falið að taka upp viðræður við Moltu ehf.

Föstudaginn 10 desember sl. voru opnuð tilboð í slátt opinna svæði í Túna- og Hlíðahverfi á Sauðárkróki. Þrjú tilboð bárust; frá Júlíusi Líndal Blönduósi, Vinnuvélum Símonar Skarphéðinssonar á Sauðárkróki og Jóhanni Rögnvaldssyni Hrauni. Öll tilboðin voru hærri en kostnaðaráætlun tæknideildar. Samþykkt að hafna öllum tilboðunum.

Lögð fram til kynningar gildistöku nýrrar reglugerðar nr. 774/2010, um héraðsvegi.