Umhverfis- og samgöngunefnd Svf Skagafjarðar

Mánudaginn 2.5.2010 kl 13:30 voru opnuð tilboð í verkið GANGSTÉTTARSTEYPA Á SAUÐÁRKRÓKI 2011 samkvæmt útboðsgögnum dagsettum 12.4.2010. Tilboðin voru opnuð á skrifstofu Tæknideildar Skagafjarðar Ráðhúsinu. Eftirfarandi þrjú tilboð bárust í verkið og voru eftirfarandi: K-tak ehf. kr. 7.908.570.- 111.4 %, Vinnuvélar Símonar Skarphéðinssonar kr. 5.554.547.- 78.3 % og Elinn ehf. kr. 9.248.500.- 130.3 % Kostnaðaráætlun Umhverfis- og tæknisviðs kr. 7.100.000.- Samþykkt að ganga til samninga við Vinnuvélar Símonar Skarphéðinssonar á grundvelli tilboðs þeirra.

Mánudaginn 16. maí 2011 kl 13:30 voru opnuð tilboð í verkið ?Borgarteigur og Borgarland gatnagerð 2011? samkvæmt samnefndum útboðsgögnum dagsettum 24. apríl 2011. Tilboðin voru opnuð á skrifstofu Tæknideildar Skagafjarðar Ráðhúsinu. Tilboðin og kostnaðaráætlun voru svo hljóðandi:

Fjörður. 41.330.375. kr. 98.5% af kostnaðaráætlun,

Króksverk og Norðurtak 39.421.300. kr. 94.0% af kostnaðaráætlun.

Steypustöð Skagafjarðar. 35.434.100. kr. 84.5% af kostnaðaráætlun.

Vinnuvélar Símonar Skarphéðinssonar. 39.297.250. kr. 93.7% af kostnaðaráætlun.

Kostnaðaráætlun Stoðar. 41.940.350. kr. Samþykkt að ganga til samninga við Steypustöð Skagafjarðar á grundvelli tilboðs þeirra.

Rætt um söfnun á dýrahræjum í dreifbýli og urðun á þeim. Ekki er lengur heimilt að dýrahræ fari í söfnunargáma og því þarf að urða þau sérstaklega þar sem ekki er tekið á móti þessum úrgangi á nýjum urðunarstað við Stekkjarvík. Á 156. fundi Landbúnaðarnefndar var samþykkt að fara í skipulega söfnun sem kynnt var bændum sérstaklega í Fréttabréfi Leiðbeiningarmiðstöðvarinnar. Jón Örn gerði grein fyrir verkefninu og sem segja má að gangi vel í aðalatriðum. Verkefninu verður áfram fylgt eftir með hvatningu.

Lögð fram til kynningar ályktun frá málþingi um verndun, smíði og nýtingu trábáta sem haldið var í Sjóminjasafninu Víkinni 6. maí sl. Erindi frá Faxaflóahöfnum sf. Gísla Gíslasyni hafnarstjóra.

Matjurtagarðarnir á Gránumóum verða starfræktir í sumar með svipuðum hætt og verið hefur. Þar er boðið upp á land til ræktunar matjurta. Stefnt er að því að garðurinn verði unninn nú í lok maí mánaðar. Gjald fyrir hvern fermetra hefur verið ákveðið kr. 40,-

Teknar fyrir ábendingar varðandi gróðurskemmdir á svæðum og stígum á og við Sauðárkrók. Ábendingar frá Valgeiri Kárasyni Háuhlíð 2. Helga Gunnlaugsdóttir gerði grein fyrir að flestar umræddar skemmdir hefðu þegar verið lagfærðar. Umhverfis- og samgöngunefnd samþykkir að auglýsa umrædd svæði og stíga lokaða fyrir allri umferð vélknúinna farartækja á vorin, þ.e. tímabil apríl-maí ár hvert. Fylgjast þarf með svæðinu á öðrum tímum.

Rætt um slátt á opnum svæðum á Sauðárkróki. Samþykkt var að semja við Golfklúbb Sauðárkróks um slátt á um 70-80 hektara svæði. Við endurskoðun fjárhagsáætlunar þarf að gera ráð fyrir auknum kostnaði við þennan verklið, sem ræðst af aukinni slátturtíðni.

Ákveðið að skilgreina svæðið með Sauðánni sérstaklega og að gefa ibúum kost á að senda inn tillögur og hugmyndir að útliti svæðisins. Íbúagáttin verði notuð til kynningar.

Samþykkt að fara í tilraunaverkefni með Steinullarverksmiðjunni og Flokku ehf um að jarðgera lífrænan heimilisúrgang í jarðgerðarstöðinni á Gránumóum. Til að byrja með er þetta er tilraunatíminn júní - janúar nk.

Nefndin felur umhverfis- og tæknisviði að hvetja íbúana með auglýsingum til að taka þátt í að gera Skagafjörð enn fegurri og snyrtilegri.

"Hrein jörð um allan fjörð"