Umhverfis- og samgöngunefnd Svf Skagafjarðar

Helga Gunnlaugsdóttir, garðyrkjustjóri, kynnti starfsemi garðyrkjudeildar fyrir nefndarmönnum. Farið var yfir verkefni garðyrkjudeildar og umfang starfseminnar.

Farið var yfir græn svæði í þéttbýliskjörnum almennt vegna fjárhagsáætlunar 2015 og þriggja ára áætlunar.

Borist hefur ábending vegna umferðar hestamanna og vélknúinna ökutækja um Sauðárgil og Litla Skóg. Nefndin leggur til að sett verði niður skilti við heimavist og við vatnshús sem banna umferð hesta og vélknúinna ökutækja.

Lögð fram til kynningar tilboð vegna dýpkunar á Sauðárkrókshöfn og gerð fyrirstöðugarðs vegna dælingar á efni í land.
Samið var við lægsbjóðanda, Norðurtak ehf, vegna fyrirstöðugarðs og er framkvæmdum lokið.
Eitt tilboð barst í dýpkun, frá Björgun ehf, og var tilboðið nokkuð yfir kostnaðaráætlun. Siglingasvið Vegagerðarinnar mun funda með verktaka og fara yfir tilboðið. Stefnt er að því að dýpkun verði lokið fyrir 30. september nk.

Íbúí í Fljótum hefur spurst fyrir um hvort hægt sé að fá pappírsgám á Ketilási.
Á Ketilási eru fyrir gámar fyrir almennt rusl, járn og timbur.
Sviðsstjóra falið að kanna kostnað við að setja niður pappírsgám.