Umhverfis- og samgöngunefnd Svf Skagafjarðar

Lögð var fyrir fundinn umsagnarbeiðni frá Vegagerðinni vegna niðurlagningu vita. Beiðninni er beint til Hafnasambands sem síðan sendi beiðnina á aðildahafnir sínar.
Í erindinu eru tillögur samráðshóps um vitamál um að leggja niður og afskrá 7 vita.
Straumnesviti nyrðri er einn vitanna sem lagt er til að lagðir verða niður. Í erindinu segir að í dag séu engar siglingar á þessu svæði og vitinn því talinn óþarfur.
Nefndin er ósátt við tillöguna um að leggja niður vitann og óskar eftir frekari upplýsingum um hvað það felur í sér að leggja hann niður og ef af því verður hvernig verður skilið við vitann og umhverfi hans.

Lagt var fyrir fundinn erindi frá Náttúruverndarsamtökum Íslands og aðgerðarhópi í loftslagsmálum. Erindinu er beint til Hafnasambands sem síðan sendi beiðnina á aðildahafnir sínar. Erindið er áskorun til fulltrúa aðildarríkja hjá alþjóðasiglingamálastofnuninni (IMO), að grípa nú þegar til markvissra aðgerða til að draga úr losun gróðurhúsalofttegunda vegna siglinga, einkum í norðurhöfum. Aðgerðirnar fela m.a. í sér að banna notkun svartolíu sem eldsneytis á skip innan norðurslóða og að skilgreina svæðið norðan 60. breiddargráðu sem ECA svæði (Emission Controlled Area).
Nefndin tekur jákvætt í áskorunina en frestar afgreiðslu þar til frekari upplýsingar liggja fyrir.

Lagt var fram til kynningar erindi frá Umhverfis- og auðlindaráðuneyti varðandi stækkun friðlands í Þjórsárverum ásamt drögum að auglýsingu þar að lútandi.
Tillagan er send að nýju til viðkomandi sveitarfélaga til umsagnar en vakin er athygli á að ný náttúruverndarlög, nr. 60/2013, tóku gildi 15. nóvember 2015. Í ljósi þess hafa breytingar verið gerðar á texta auglýsingarinnar hvað varðar tilvísanir til laga auk þess sem lagt er til að nýtt ákvæði bætist við er fjallar um gerð stjórnunar- og verndaráætlunar í samræmi við ákvæði nýju laganna. Frestur til að gera athugasemdir við fyrirliggjandi friðlýsingarskilmála er þrír mánuðir frá dagsetningu þessa bréfs. Í kjölfarið verður tekin ákvörðun um friðlýsingu svæðisins að teknu tilliti til framkominna athugasemda. Umhverfisráðherra hefur í samræmi við Náttúruverndaráætlun 2009-2013, þingsályktun um áætlun um vernd og orkunýtingu landsvæða.
Málið lagt fram, umsögn þarf að berast til ráðuneytis fyrir 3.október n.k.

Rædd var möguleg staðsetning á afgirtu hundasvæði á Sauðárkróki.
Sviðstjóra falið að ræða tillögur að staðsetningu hundasvæðis við Borgargerði á Sauðárkróki við hagsmunaaðila.

Lagt var fram til kynningar bréf frá Samgöngu- og sveitarstjórnaráðuneyti til SSNV vegna samgönguáætlunar ásamt drögum að samantekt á áherslun sveitarfélaga á norðurlandi vestra í samgöngumálum.
Í erindinu frá ráðuneytinu er því beint til landshlutasamtaka að huga að ályktunum sínum og framtíðarsýn í samgöngumálum, jafnframt því að fara yfir verkefni sem eru á áætlun og horfa til forgangsröðunar framkvæmda innan sinna starfssvæða.
SSNV hefur unnið að samantekt fyrir norðurland vestra og mun senda ráðuneytinu ábendingar og athugasemdir fyrir 31. ágúst nk.