Umhverfis- og samgöngunefnd Svf Skagafjarðar

Lagðar voru fram teikningar af fyrirhuguðum breytingum á opnu svæði á milli Hólmagrundar og Hólavegs á Sauðárkróki. Teikningarnar eru unnar af Arnari Birgi Ólafssyni á Teiknistofu Norðurlands.
Á svæðinu er gert ráð fyrir malbikuðum göngustíg, bekkjum, trjágróðri og lágum jarðvegsmönum.
Umhverfis- og samgöngunefnd felur sviðsstjóra í samvinnu við garðyrkjustjóra að vinna að jarðvegsvinnu og landmótunar á svæðinu á þessu ári og samþykkir að vísa frágangi á svæðinu til fjárhagsáætlunar næsta árs.

Lagðar voru fram teikningar af útivistarskýli í Sauðárgili ásamt kostnaðaráætlun.
Kostnaðaráætlun vegna skýlisins hljóðar upp á 16,8 milljónir króna.
Sviðstjóra falið að afla frekari upplýsinga frá hönnuði.
Nefndin vísar framkvæmd og kostnaðaráætlun til fjárhagsáætlunargerðar 2019.

Lagt er til að gjaldskrá fyrir hunda- og kattahald hækki um 3% frá og með 1. janúar 2019.
Umhverfis- og samgöngunefnd samþykkir tillöguna og vísar henni til Byggðarráðs.

Lagt er til að gjaldskrá Brunavarna Skagafjarðar fyrir útselda vinnu ásamt tækjaleigu hækki um 3 % Gjaldskrá vegna slökkvitækjaþjónustu, þeir liðir sem innihalda efni munu hækka um 3 %. Þeir liðir gjaldskrár slökkvitækjaþjónustu sem innifela vinnu þurfa að hækka um 3 %.
Umhverfis- og samgöngunefnd samþykkir tillöguna og vísar henni til Byggðarráðs.

Lögð var fram núverandi gjaldskrá Skagafjarðarhafna og ræddar gjaldskrárbreytingar fyrir 2019. Afgreiðslu gjaldskrár fyrir 2019 frestað til næsta fundar.

Lagt er til að gjaldskrá fyrir sorpurðun og sorphirðu hækki um 3% frá og með 1. janúar 2019.
Umhverfis- og samgöngunefnd samþykkir tillöguna og vísar henni til Byggðarráðs.

Lagðar eru til eftirfarandi breytingar á gjaldskrá fráveitugjalda og tæmingu rotþróa sem taka munu gildi 1. janúar 2019.
Fráveitugjald fyrir íbúðarhúsnæði skal lækka úr 0,275% í 0,186% af álagningarstofni. Fyrir annað húsnæði er fráveitugjaldið óbreytt, 0,275% af álagningarstofni.
Gjald fyrir tæmingu rotþróa hækkar um 3%.
Umhverfis- og samgöngunefnd samþykkir tillöguna og vísar henni til Byggðarráðs.

Löngu er vitað að sumum íbúum sveitarfélagsins hefur þótt vegir og þjónusta við þá ekki vera í samræmi við notkun í ljósi aukinnar umferðar vegna ferðaþjónustu og aukinnar vinnu utan heimila í dreifbýlinu . Umhverfis- og samgöngunefnd leggur til að unnin verði úttekt á stöðu vega í Skagafirði m.t.t. notkunar og umferðaröryggis í samráði við Vegagerðina. Úttektin verði nýtt til forgangsröðunar vegaframkvæmda í sveitarfélaginu.

Lagðar voru fram til kynningar fundargerðir Hafnasambands Íslands.