Umhverfis- og samgöngunefnd Svf Skagafjarðar

Lagður var fram til kynningar ársreikningur Hafnasambands Íslands fyrir árið 2018.

Lögð var fram til samþykktar skipulagslýsing fyrir endurskoðað deiliskipulag hafnarsvæðisins á Sauðárkróki.
Umhverfis- og samgöngunefnd samþykkir lýsinguna og leggur til við sveitarstjórn að skipulagslýsingin verði auglýst samkvæmt skipulagslögum 123/2010.

Lagðar voru fyrir fundinn hugmyndir að nýrri flotbryggju í smábátahöfninni á Sauðárkróki. Bryggjan kæmi til með að þjóna sem viðlegukantur og aðkoma fyrir léttabáta sem ferja munu farþega skemmtiferðaskipa í land.
Nefndin felur hafnarstjóra og sviðstjóra að vinna áfram að útfærslu viðlegukants fyrir léttabáta fyrir næstu fjárhagsáætlanagerð.

Ræddar voru tímasetningar fyrir opna íbúafundi um sorpmál í dreifbýli.
Sviðstjóra falið að auglýsa fundina.

Lagður var fyrir nefndina drög að leigusamningi á milli Hafnasjóðs og Nova um leigu á aðstöðu í hafnarmastri á Sauðárkrókshöfn.
Nefndin leggur til að leiguupphæð samnings taki mið af sambærilegum samningum sem Hafnasjóður hefur gert og felur hafnarstjóra að ganga frá samningi.

Lögð voru fyrir fundinn útboðsgögn vegna snjómokstursútboðs fyrir Sauðárkrók árið 2015.
Stefnt er að útboði á snjómokstri á Sauðárkróki til næstu þriggja ára fyrir lok apríl mánaðar.
Endanleg útboðsgögn verða borin undir nefndina áður en verkið er boðið út.

Ingibjörg Huld Þórðardóttir vék af fundi undir þessum lið.