Veitunefnd Svf Skagafjarðar

Stefnt er að hefja framkvæmdir í Fljótum um mánaðarmótin maí/júní.
Í sumar verða lagðar lagnir í Flókadal, Haganesvík og að Lambanesi.
Verklok eru 1. september 2016.

Búið er að ganga frá pöntun á dælu til prufudælingar á Hverhólum.
Stefnt er á prufudælingu á holunni í sumar.

Uppsetning mæla á Sauðárkróki hefur gengið vel og er uppsetningu lokið í Túnahverfi. Uppsetning er hafin í Hlíðarhverfi og fer á fullt aftur með haustinu. Uppsetningu mæla á að vera lokið næsta vor.
Lesið verður af stærri mælum (25mm og stærri) mánaðarlega eftir uppsetningu nýrra mæla. Reikningar stærri notenda verða því samkvæmt raunnotkun hvers mánaðar í stað áætlunar áður. Með þessu móti geta stærri viðskiptavinir Skagafjarðarveitna fylgst betur með raunnotkun sinni.

Framkvæmdir eru hafnar við nýjan vatnstank á Gránumóum.
Botnplata verður steypt á næstu dögum og stefnir verktaki á að ljúka allri uppsteypu um mánaðarmótin júní / júlí.
Verklok eru í lok júlí.

Lagt var fyrir erindi frá Birni Sveinssyni þar sem óskað er eftir leigu á landspildu sunnan við Bjarmaland / Hrímnishöll við Steinsstaði.
Landspildan er í eigu Skagafjarðarveitna.
Sviðstjóra falið að skoða málið.