Veitunefnd Svf Skagafjarðar

Farið var yfir stöðu framkvæmda í Fljótum.
Lagningu stofnlagnar er lokið í Flókadal og að Móskógum.
Vinna er hafin við lagningu stofnlagnar í Haganesvík og að Lambanesi.
Verktaki stefnir á verklok um miðjan september.

Dýpkun á holu LH-04 við Langhús lauk í byrjun júlí. Holan varð aðeins um 170m djúp og skilaði margfalt meira vatni en vonir stóðu til. Samkvæmt afkastamælingu sem Þórólfur Hafstað, sérfræðingur hjá ÍSOR, framkvæmdi eftir að boruninni lauk gefur holan allt að 35 l/s af rúmlega 100°C heitu vatni.

Prufudæling á holu HH-01 við Hverhóla hófst í síðustu viku og gengur vel. Dælu var komið fyrir á tæplega 50m dýpi og dælir hún nú að jafnaði um 8 l/s af 66°C heitu vatni. Prufudælingin mun vara í það minnsta 2 vikur og verður fylgst með niðurdrætti í holunni sem gefur til kynna hver afköst holunnar eru til langs tíma litið.
Haldin verður kynningarfundur fyrir íbúa þegar niðurstöður prufudælingar liggja fyrir.

Vatni var hleypt á nýjan vatnstank á Gránumóum föstudaginn 12. ágúst sl.
Jarðvegsvinnu við tankinn og frágangi í dæluhúsi er ólokið.

Tekið var fyrir erindi frá Símoni Inga Gestssyni á Barði í Fljótum.
Sviðstjóra falið að vinna að samkomulagi við Símon.

Kynntar voru áætlanir um ljósleiðaravæðingu í dreifbýli á svæðinu frá Varmahlíð að Marbæli ásamt Sæmundarhlíð.
Veitunefnd fagnar þessum áfanga og hvetur til áframhaldandi fjárveitinga af hálfu hins opinbera til ljósleiðaravæðingar í dreifbýli.