Fréttir

Héraðsbókasafnið verður lokað dagana 25. júlí til 8. ágúst vegna sumarleyfa. Opnum aftur mánudaginn 11. ágúst

Fjölskyldusvið Sveitarfélagsins Skagafjarðar óskar eftir að ráða starfsfólk í búsetu fatlaðs fólks. Í starfinu felst að aðstoða fatlaða einstaklinga við allar athafnir daglegs lífs, persónulegar og félagslegar. Þjónustan er veitt inni á heimili hvers og eins og utan þess þegar við á hverju sinni.

Stjórnsýslu- og fjármálasvið Sveitarfélagsins Skagafjarðar óskar eftir að ráða fjölhæfan og metnaðarfullan einstakling í starf verkefnastjóra í atvinnu-, menningar- og kynningarmálum.

Laus eru tvö hlutastörf frá og með september 2014. Störfin eru unnin á dagvinnutíma í dagdvöl aldraðra. Í störfunum felst m.a. almenn umönnun, örvun og aðstoð við endurhæfingu og sundlaug, undirbúningur og framkvæmd félagslegrar samveru og aðstoð við handmennt.

Íslenski safnadagurinn er næstkomandi sunnudag 13. júlí. Opið verður hjá Byggðasafni Skagfirðinga í Glaumbæ og Minjahúsinu á Sauðárkróki

Málefni fatlaðs fólks í Skagafirði. Fjölskylduþjónusta Skagfirðinga leitar að starfsfólki með fagmenntun, t.d. í þroskaþjálfun, iðjuþjálfun, kennslufræði, félagsráðgjöf, sálfræði eða aðra sérmenntun sem nýtist í starfi með fötluðu fólki. Um er að ræða afleysingar frá ágúst 2014 til eins árs.

Búið er að ráða nýjan héraðsskjalavörð hjá Héraðsskjalasafni Skagfirðinga, Sólborgu Unu Pálsdóttur. Hún mun hefja störf í ágúst.

Tímabundin afleysing frá 10. júlí - 15. ágúst. Starfið felur í sér öryggisgæslu sundlaugar, eftirlit með öryggiskerfum, afgreiðslu sundlaugargesta og þrif.

Héraðsbókasafn Skagfirðinga á Sauðárkróki verður lokað vegna sumarleyfa dagana 3. - 8. júlí