Atvinnu-, menningar- og kynningarnefnd Svf Skagafjarðar

Halldór Gunnlaugsson frá Tjöldum í Skagafirði kom til fundar og kynnti rekstur tjaldsvæðanna í Skagafirði 2015.

Lögð fram fyrirspurn frá Varmahlíðarstjórn um land undir fastastæði fyrir hjólhýsi í Varmahlíð. Formaður Varmahlíðarstjórnar kom til fundar og kynnti málið fyrir nefndarmönnum. Nefndin felur starfsmönnum að kanna kostnað við slíka uppbyggingu en mun ekki leggja til að fjármagn til slíkrar uppbyggingar fari inn á fjárhagsáætlun fyrir árið 2016.

Atvinnu-, menningar- og kynningarnefnd samþykkir tillögu að nýrri gjaldskrá fyrir Héraðsbókasafn Skagafirðinga sem gildir frá 1. janúar 2016.

Samþykkt drög að fjárhagsáætlun 2016 fyrir menningarmál.

Samþykkt drög að fjárhagsáætlun 2016 fyrir atvinnu- og ferðamál.

Kynntar niðurstöður óformlegrar skoðanakönnunar um tíðni atvinnulífssýninga í Skagafirði. Atvinnu-, menningar- og kynningarnefnd samþykkir að halda ekki slíka sýningu á árinu 2016 en kanna þess í stað grundvöll fyrir annars konar kynningu á skagfirsku atvinnulífi með því að hvetja fyrirtæki, stofnanir og félagasamtök til að opna dyr sínar fyrir gestum og gangandi á einhverjum tilteknum degi vorið 2016. Starfsmönnum falið að kanna hug forsvarsmanna fyrirtækja, stofnana og félagasamtaka um með hvaða hætti mætti útfæra þá hugmynd.

Tekið fyrir erindi sem vísað var til nefndarinnar frá byggðarráði. Starfsmenn nefndarinnar hafa kannað möguleika á öflun umbeðinna upplýsinga og leitað samstarfs við aðrar stofnanir en torvelt hefur reynst að fá fram tölulegar upplýsingar sem þurfa að liggja fyrir til grundvallar úttekt. Komið hefur í ljós að hagsmunasamtök eru með í skoðun slíka úttekt á landsvísu og telur nefndin rétt að bíða niðurstöðu þar að lútandi áður en tekin verður ákvörðun um frekari vinnu.

Lögð fram til kynningar drög að samningi á milli Ferðamálastofu og Sveitarfélagsins Skagafjarðar um skilyrtan styrk til reksturs upplýsingamiðstöðvar á árinu 2016. Óskað var eftir athugasemdum sveitarfélagsins, ef einhverjar væru, fyrir 1. desember 2015. Nefndin felur starfsmönnum að gera athugasemdir við samningsdrögin í samræmi við umræður á fundinum, m.a. hvað lýtur að fjármagni, opnunartíma o.fl.

Samþykkt drög að fjárhagsáætlun 2016 fyrir kynningarmál.

Forstöðumaður Listasafns Skagfirðinga kom til fundar og kynnti drög að nýrri gjaldskrá fyrir safnið. Atvinnu-, menningar- og kynningarnefnd samþykkir tillögu að nýrri gjaldskrá fyrir Listasafn Skagfirðinga sem gildir frá 1. janúar 2016.

Héraðsskjalavörður kom til fundar við nefndina og kynnti drög að nýrri gjaldskrá fyrir safnið. Atvinnu-, menningar- og kynningarnefnd samþykkir tillögu að nýrri gjaldskrá fyrir Héraðsskjalasafn Skagafirðinga sem gildir frá 1. janúar 2016.

Atvinnu-, menningar- og kynningarnefnd fór í lok fundar í heimsókn á Héraðsskjalasafn Skagfirðinga til að kynna sér starfsemi safnsins undir handleiðslu héraðsskjalavarðar.