Byggðarráð Svf. Skagafjarðar

Undir þessum dagskrárlið kom Jón Helgi Björnsson, forstjóri Heilbrigðisstofnunar Norðurlands, og ræddi þær breytingar sem hafa orðið og koma til með að verða, eftir að þessi nýja stofnun var sett á laggirnar.

Lagt fram bréf dagsett 19. október 2014 frá Ragnari Guðmundssyni, kt. 251036-3659 þar sem hann óskar eftir að taka á leigu fjárhús sem staðsett eru á lóð nr. 42 á Nöfum.
Byggðarráð ítrekar fyrri samþykkt frá 671. fundi varðandi það að lóð nr. 42 á Nöfum verði ekki leigð eða seld og synjar því erindinu.

Lagt fram bréf frá Hagstofu Íslands, dagsett 14. október 2014 þar sem lögð er fram tillaga um að Íslandi verði skipt upp í 40 talningarsvæði vegna væntanlegs manntals.
Byggðarráð gerir ekki athugsemd við svæðaskiptinguna sem lögð er til í framangreindu bréfi.

Lagt fram ódagsett bréf frá Aðalheiði Báru Steinsdóttur, kt. 080777-3969, þar sem hún óskar eftir að útbætur á Félagsheimilinu Bifröst, Sauðárkróki, verði gerðar til að bæta aðgengi fatlaðra. Erindinu var vísað til byggðarráðs sem fer með stjórn eignasjóðs, frá 12. fundi atvinnu-, menningar- og kynningarnefndar.
Byggðarráð samþykkir að vísa erindinu til gerðar fjárhagsáætlunar 2015.

Lagt fram bréf dagsett 29. júlí 2014 frá Þjóðskrá Íslands varðandi misræmi í skráningu fasteignarinnar Hólar/tjaldsvæði 146455, fastanr. 214-2811. Fasteignin er ekki til í þinglýsingabókum sýslumanns en hefur verið skráð í fasteignabók.
Byggðarráð samþykkir að ánafna landeiganda tjaldsvæðissnyrtingum sem skráðar eru á fastanúmer 214-2811.

Lagt fram bréf frá stjórn Alþýðulistar, dagsett 16. október 2014, þar sem stjórnin innir eftir því hvort sveitarfélagið hafi til reiðu húsnæði á Sauðárkróki, sem hentað gæti fyrir starfsemi félagsins, þ.e. rými til að vinna að handverki og verslunarpláss.
Byggðarráð samþykkir að bjóða forsvarsmönnum Alþýðulistar til fundar.

Lagt fram bréf frá fjármála- og efnahagsráðuneyti, dagsett 2. október 2014 varðandi nýsköpunarverðlaun í opinberri þjónustu og stjórnsýslu 2015. Markmiðið er að vekja athygli á því sem vel er gert og hvetja til meiri nýsköpunar í opinberri þjónustu og stjórnsýslu á Íslandi. Tilnefningar ásamt rökstuðningi þurfa að berast fyrir 7. nóvember 2014.

Lögð fram drög að samningi um leyfi til afnota á áætlun gegn einelti (Vinaliðaverkefni) á milli Trivselsleder AS og Árskóla fyrir hönd Sveitarfélagsins Skagafjarðar. Árskóli verður fulltrúi Trivselsleder AS á Íslandi og hefur leyfi til að nota áætlunina í þeim tilgangi að ganga til þjónustusamninga við grunnskóla á Íslandi. Erindinu var vísað til byggðarráðs frá 98. fundi fræðslunefndar. Herdís Á. Sæmundardóttir sviðsstjóri fjölskyldusviðs sat fundinn undir þessum dagskrárlið.
Byggðarráð samþykkir samninginn og lýsir yfir ánægju með verkefnið og velgengni þess.

Lagðar fram til kynningar ófullgerðar uppdráttarteikningar af innra skipulagi Sæmundargötu 7a.
Byggðarráð samþykkir að fela sveitarstjóra að fara í viðræður við eiganda fasteignarinnar um kaup á húsnæðinu í samræmi við fjárhagsáætlun 2014.

Lögð fram vinnugögn vegna fjárhagsáætlunar 2015.

Lagt fram til kynningar bréf frá sýslumanninum á Sauðárkróki, dagsett 6. október 2014, þar sem tilkynnt er um aðilaskipti á jörðinni Sölvanes, landnúmer 146238. Seljendur eru Magnús Óskarsson, kt. 160847-7199 og Elín Sigurðardóttir, kt. 080245-3949. Kaupandi er Smiðjugrund ehf., kt. 650414-1010.

Lagðar fram til kynningar fundargerðir stjórnar SSNV frá 5., 24., 28. og 29. september og 1. október 2014.

Lagðar fram til kynningar fundargerðir Samtaka sjávarútvegssveitarfélaga frá 12. september og 7. október 2014.