Byggðarráð Svf. Skagafjarðar

Lagt fram erindi frá Veðurstofu Íslands dagsett 22. september 2015. Leitað er eftir upplýsingum vegna gerðar hættumats vegna vatnsflóða m.a. í Héraðsvötnum í Skagafirði, s.s. samantekt yfir söguleg flóð, mat á umfangi og áhrifum þeirra. Veðurstofan óskar eftir að sveitarfélagið útnefni tengilið varðandi gagnasöfnun og eða gagnaafhendingu.
Byggðarráð samþykkir að fela sveitarstjóra umsjón með verkefninu.

Lagt fram bréf dagsett 22. september 2015 frá nokkrum íbúum að Hólum í Hjaltadal varðandi móttöku flóttamanna á Íslandi. Fagna þau ályktun byggðarráðs frá 3. september 2015 um móttöku flóttafólks og vilja meðal annars vekja athygli sveitarfélagins á friðsælu og fjölskylduvænu umhverfi Hóla í Hjaltadal til búsetu fyrir barnafjölskyldur.
Byggðarráð þakkar bréfriturum erindið og mun hafa það til hliðsjónar í vinnslu verkefnisins.

Lagður fram tölvupóstur dagsettur 22. september 2015 varðandi aðalfundarboð Versins Vísindagarða ehf. þann 8. október n.k.
Byggðarráð samþykkir að Gunnsteinn Björnsson verði fulltrúi sveitarfélagsins á aðalfundinum og fari með atkvæðisrétt þess.

Lagt fram til kynningar erindi frá Sambandi íslenskra sveitarfélaga dagsett 16. september 2015 um ráðstefnu um sveitarstjórnarstigið á 21. öldinni sem verður haldin í Reykjavík þann 26. október 2015. Rætt verður um stöðu og þróun sveitarstjórnarstigsins á Íslandi í norrænu ljósi og hvað getum við lært af norrænum umbótaverkefnum?

Kynnt að fulltrúar sveitarfélagsins fá fundartíma með fjárlaganefnd Alþingis miðvikudaginn 7. október 2015.

Lagðar fram forsendur fyrir fjárhagsáætlunargerð 2016-2019.

Fundargerðir stjórnar SSNV frá 8. og 15. september lagðar fram til kynningar á 711. fundi byggðarráðs þann 1. október 2015.

Lögð fram til kynningar fundargerð 22. fundar Samtaka sjávarútvegssveitarfélaga þann 21. september 2015.

Lagt fram til kynningar bréf dagsett 28. september 2015 frá Fjallabyggð þar sem sveitarstjórn sveitarfélagsins er boðin á ráðstefnu sem haldin er af Fjallabyggð og Háskólanum á Akureyri, þann 2. október 2015 í Menningarhúsinu Tjarnarborg í Ólafsfirði, um áhrif Héðinsfjarðarganga á samgöngur, efnahagslíf og samfélag í Fjallabyggð.

Lagðar fram til kynningar upplýsingar úr rekstri sveitarfélagsins fyrir tímabilið janúar - ágúst 2015.