Byggðarráð Svf. Skagafjarðar

Lagður fram til kynningar tölvupóstur dagsettur 1. febrúar 2018 frá Sambandi íslenskra sveitarfélaga varðandi aðkomu sambandsins að uppgjöri sveitarfélaga á lífeyrisskuldbindingu vegna A-deildar Brúar lífeyrissjóðs starfsmanna sveitarfélaga.

Lagt fram samkomulag Sveitarfélagsis Skagafjarðar við Brú lífeyrissjóð um uppgjör á lífeyrisskuldbindingum samkvæmt lögum nr. 127/2016. Kristján Jónasson endurskoðandi hjá KPMG hf. sat fundinn undir þessum dagskrárlið.

Byggðarráð samþykkir að vísa samkomulaginu til afgreiðslu sveitarstjórnar.

Lögð fram tillaga að viðauka númer 1 við fjárhagsáætlun ársins 2018. Gert er ráð fyrir hækkun fjármagnsgjalda um 30 milljónir króna. Hækkun langtímakrafna um 597 milljónir króna og langtímalántöku allt að 600 milljónir króna og lækkun handbærs fjár um 53 milljónir króna. Afborganir lífeyrisskuldbindinga og langtímalána hækka um 34 milljónir króna.
Byggðarráð samþykkir að vísa viðaukanum til afgreiðslu sveitarstjórnar.

Lagt fram kauptilboð frá Maríu Einarsdóttur, kt. 030286-6189 í fasteignina Birkimel 8b, 214-0787, Varmahlíð.
Byggðarráð samþykkir að ganga að kauptilboði Maríu Einarsdóttur í fasteignina Birkimel 8b.

Lögð fram til kynningar bókun 136. fundar umhverfis- og samgöngunefndar þann 2. febrúar 2018 varðandi breytingar á Hafnarreglugerð fyrir hafnir Hafnarsjóðs Skagafjarðar nr. 425/2005.

Málið áður á dagskrá 811. fundar byggðarráðs þann 19. janúar 2018. Námskeið sem fyrirtækið Ráðrík ehf. heldur. Meginmarkmið námskeiðsins er að höfða til hins almenna íbúa, vekja áhuga hans á sveitarstjórnarmálum og hvetja hann til þátttöku á þeim vettvangi.
Byggðarráð samþykkir að fá Ráðrík ehf. til að halda námskeið fyrir íbúa sveitarfélagsins. Kostnaður tekinn af fjárhagslið 21110 - Sveitarstjórnarkosningar.

Lagðir fram tölvupóstar úr máli 1801300 frá sýslumannsembættinu á Norðurlandi vestra, dagsettir 19. og 24. janúar 2018. Þar er óskað umsagnar um umsókn Spíru ehf., kt. 420207-0770, um leyfi til að reka gististað í flokki III - Hótel Mikligarður í heimavist Fjölbrautaskóla Norðurlands vestra, Skagfirðingabraut 24, 550 Sauðárkróki, tímabilið 1. júní til 20. ágúst 2018.
Byggðarráð gerir ekki athugasemd við umsóknina.

Lagður fram tölvupóstur úr máli 1801448 frá sýslumannsembættinu á Norðurlandi vestra. Óskað er eftir umsögn um umsókn Valgeirs S. Þorvaldssonar, kt. 020760-5919, um leyfi til að reka gististað í flokki II í íbúð í Frændgarði, landnúmer 146713, 565 Hofsósi.
Byggðarráð gerir ekki athugasemdir við umsóknina.

Lagðar fram til kynningar skýrslur um stefnu og átak norskra yfirvalda varðandi félagslegt búsetuúrræði og átak í húsnæðismálum sveitarfélaga.

Lagðar fram til kynningar fundargerðir 25. og 26. stjórnarfundar Ferðasmiðjunnar ehf.