Byggðarráð Svf. Skagafjarðar

Lagt fram bréf frá Búhöldum bsf. varðandi gjaldtöku fyrir úthlutun lóða.

Byggðarráð samþykkir að fela sveitarstjóra að afla frekari upplýsinga varðandi málið.

Lagt fram erindi frá sýslumanninum á Sauðárkróki þar sem óskað er umsagnar um umsókn Skeljungs hf. um breytingu á rekstrarleyfi á starfstöð sinni að Skagfirðingabraut 29, Sauðárkróki. Er með veitingaleyfi fyrir flokk I og óskar eftir veitingaleyfi fyrir flokk II.

Byggðarráð gerir ekki athugasemdir við umsóknina svo fremi að öllum skilyrðum sé fullnægt.

Lagt fram bréf frá Umferðarstofu þar sem stofnunin óskar eftir að fá að kynna aðferðafræði við gerð umferðaröryggisáætlunar fyrir sveitarfélagið.

Byggðarráð samþykkir að vísa erindinu til umhverfis- og samgöngunefndar til afgreiðslu.

Lagt fram til kynningar afrit af bréfi frá fjármálaráðuneyti til mennta- og menningarmálaráðuneytis varðandi viðskiptastöðu sveitarfélagsins við Ríkissjóð vegna sölu Steinsstaðaskóla.

Lagðar fram til kynningar upplýsingar úr bókhaldi sveitarfélagsins um bókaðan rekstrarkostnað sveitarfélagsinsins og stofnana fyrir tímabilið janúar - nóvember 2009.

Lagt fram til kynningar erindi frá Sambandi íslenskra sveitarfélaga um fasteignamat sem grundvöll fráveitugjalds.

Byggðarráð samþykkir að vísa erindinu til umhverfis- og samgöngunefndar og felur nefndinni að kanna hvort endurskoða þarf samþykkt sveitarfélagsins um fráveitu í sveitarfélaginu.

Lagt fram bréf frá sýslumanninum á Sauðárkróki þar sem tilkynnt er um aðilaskipti á jörðinni Syðra-Vallholti lóð 216831. Seljandi er Kolbrún Dísa Magnúsdóttir. Kaupandi er Kolbrún Anna Jónsdóttir.

Lagt fram bréf frá sýslumanninum á Sauðárkróki þar sem tilkynnt er um aðilaskipti á jörðinni Skefilsstöðum landnr. 145911. Seljandi er Eyjólfur G. Sverrisson. Kaupandi er Skefilsstaðir ehf.

Lagt fram til kynningar álit Samkeppniseftirlitsins nr. 4/2009 - Opinber útboð, samkeppni og samkeppnishindranir.

Lagt fram til kynningar bréf frá Jöfnunarsjóði sveitarfélaga þar sem fram kemur áætlun sjóðsins á úthlutun vegna nýbúafræðslu á fjárhagsárinu 2010.

Lagt fram til kynningar minnisblað frá aðilum sem starfa hjá Veðurstofu Íslands, Landmælingum Íslands, Umhverfisstofnun og Náttúrufræðistofnun Íslands, þar sem lagt er til að stofnað verði til víðtæks samstarfs milli stofnanna og annarra opinberra aðila um samræmdan aðgang að landupplýsingum á Íslandi.

Byggðarráð samþykkir að vísa erindinu til skipulags- og byggingarnefndar til afgreiðslu.