Byggðarráð Svf. Skagafjarðar

Lögð fram tillaga um að Stefán Vagn Stefánsson verði kjörinn formaður byggðarráðs.

Tillagan samþykkt samhljóða.

Lögð fram tillaga um að Bjarni Jónsson verði kjörinn varaformaður byggðarráðs.

Tillagan samþykkt samhljóða.

Byggðarráð samþykkir hér með að taka lán hjá Lánasjóði sveitarfélaga ohf. að fjárhæð 300.000.000 kr. til 14 ára, í samræmi við samþykkta skilmála lánveitingarinnar sem liggja fyrir fundinum. Til tryggingar láninu standa tekjur sveitarfélagsins, sbr. heimild í 3. mgr. 73. gr. sveitarstjórnarlaga nr. 45/1998. Er lánið tekið vegna byggingar leikskóla, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006.
Jafnframt er Margeiri Friðrikssyni sviðsstjóra stjórnsýslu- og fjármálasviðs, kt. 151060-3239, veitt fullt og ótakmarkað umboð til þess f.h. Sveitarfélagsins Skagafjarðar að undirrita lánssamning nr. 23/2010 við Lánasjóð sveitarfélaga ohf. sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari.

Byggðarráð samþykkir fyrir sitt leiti lánasamninginn og vísar honum til afgreiðslu sveitarstjórnar.

Lagt fram hluthafasamkomulag milli eftirtaldra hluthafa í Gagnaveitu Skagafjarðar ehf., Kaupfélags Skagfirðinga, Skagafjarðarveitna ehf. og Sveitarfélagsins Skagafjarðar um aðkomu þeirra að endurfjármögnun og breytingu á hlutafé félagsins. Á fundinn komu Einar Gíslason og Páll Pálsson til viðræðu undir þessum dagskrárlið.

Byggðarráð samþykkir hluthafasamkomulagið fyrir sitt leiti.

Lagt fram minnisblað frá sviðsstjórum stjórnsýslu- og fjármálasviðs og umhverfis- og tæknisviðs, þar sem óskað er eftir því að fjárfestingalið fjárhagsáætlunar 2010 verði breytt á þann veg að 6 milljónir króna verði fæðar frá eignasjóði yfir á þjónustustöð til kaupa á þremur bifreiðum.

Byggðararáð samþykkir tilfærslu fjármunana samhljóða.

Lögð fram tillaga um að Bjarni Jónsson verði fulltrúi sveitarfélagsins og Skagafjarðarveitna ehf. í stjórn Versins - vísindagarða.

Samþykkt samhljóða.

Lagt fram boð um aðalfund Versins - vísindagarða ehf. þann 25. júní 2010.

Byggðarráð samþykkir að sveitarstjóri eða staðgengill hans fari með atkvæðisrétt sveitarfélagsins á fundinum.

Lagt fram erindi frá Kristjáni Jónssyni þar sem sótt er um styrk vegna Jónsmessuhátíðar á Hofsósi.

Byggðarráð samþykkir að veita styrk að upphæð kr. 300.000. Fjármunirnir teknir af málaflokki 21890.

Lagt fram erindi frá Pálu Kristínu Bergsveinsdóttur um styrk.

Byggðarráð sér sér ekki fært að verða við erindinu, en óskar bréfritara góðs gengis í baráttu sinni við sjúkdóm sinn.

Lagt fram til kynningar boð um aðalfund Gagnaveitu Skagafjarðar ehf. 23. júní 2010.

Byggðarráð samþykkir að Gísli Árnson verði fulltrúi sveitarfélagsins í stjórn félagsins. Jafnframt er samþykkt að Margeir Friðriksson sviðsstjóri stjórnsýslu- og fjármálasviðs fari með atkvæðisrétt sveitarfélagsins á fundinum.

Lagður fram til kynningar tölvupóstur frá Einari E. Einarssyni þar sem hann óskar eftir því að sveitarfélagið tilnefni annan fulltrúa í hans stað í vinnuhóp um stækkun friðlands í Þjórsárverum. Einnig er ósk frá Umhverfisstofnun um að kynna verkefnið fyrir sveitarstjórn.

Lagt fram til kynningar minnisblað um opnun Leikskólans Ársali og endurbætur á húsnæði Leikskólans Glaðheima.

Lagt fram til kynningar bréf frá Jafnréttisstofu þar sem minnt er á ákvæði laga nr. 10/2008 um jafna stöðu og jafnan rétt kvenna og karla er varða sveitarstjórnir.

Byggðarráð vísar erindinu til umfjöllunar í félags- og tómstundanefnd.

Lagt fram til kynningar bréf frá sýslumanninum á Sauðárkróki þar sem tilkynnt er um aðilaskipti á jörðinni Veðramóti 2, landnúmer 145963. Seljandi er dánarbú Ólínu Ólafsdóttur. Kaupandi er Gunnar Sigurðsson.

Lagt fram til kynningar bréf frá Capacent ráðgjöf þar sem fyrirtækið kynnir þjónustu sína.