Félags- og tómstundanefnd Svf. Skagafjarðar

Aðalbjörg Hallmundsdóttir gerði grein fyrir trúnaðarmálum. 16 umsóknir í 11 málum. 1 umsókn synjað, einni frestað og 14 samþykktar.

Lagt fram fundarboð um jafnréttisþing í Kópavogi 9. - 10. september 2011. Nefndarmenn og félagsmálastjóri kanna möguleika á að senda fulltrúa á þingið.

Félagsmálastjóri gerir grein fyrir málþingi um stöðu ADHD á Íslandi þar sem óskað hefur verið eftir að samstarfsverkefnið Fléttan verði kynnt.

Jafnframt gerir félagsmálstjóri grein fyrir að Hanna Dóra Björnsdóttir, verkefnisstjóri hefur látið af störfum. Nefndin þakkar Hönnu Dóru fyrir vel unnin störf. Sigríður Jóhannsdóttir hefur verið ráðin í hennar stað.

Jafnréttisstofa óskar eftir að fá senda jafnréttisáætlun og framkvæmdaáætlun sveitarfélagsins. Áætlunin er enn í vinnslu og verður send stofunni strax og hún verður tilbúin.

Svarbréf menningar- og kynningarnefndar, atvinnu- og ferðamálanefndar og skipulags- og bygginganefndar lögð fram til kynningar. Formanni og félagsmálastjóra falið að ganga á fund byggðarráðs og kynna drög að jafnréttisáætlun. Jafnframt að kynna drögin á fundi með sviðsstjórum og sveitarstjóra. Stefnt er að því að ljúka við gerð áætunarinnar í októberbyrjun.

Samþykkt að veita Aflinu, systursamtökum Stígamóta á norðurlandi, rekstarstyrk kr. 50.000 vegna 2011. Gert var ráð fyrir styrk við gerð fjárhagsáætlunar.

Farið yfir dagskrá vinnufundar um reglur og verklag sem haldinn verður 8. september 2011.