Félags- og tómstundanefnd Svf. Skagafjarðar

Nefndin samþykkir að veita Sigrúnu Heiðu Pétursdóttur, Hólavegi 15, framhaldsleyfi til daggæslu barna á heimili hennar og fær hún leyfi fyrir fimm börnum, þ.m.t. hennar eigin börn undir 6 ára aldri, skv. ákvæðum reglugerðar nr.907/2005, sbr. og meðfylgjandi greinargerð félagsráðgjafa.

Nefndin samþykkir að veita Huldu Gísladóttur, Fellstúni 14, framhaldsleyfi til daggæslu barna á heimili hennar og fær hún leyfi fyrir fimm börnum, skv. ákvæðum reglugerðar nr.907/2005, sbr. og greinargerð félagsráðgjafa.

Nefndin samþykkir að veita Regínu Jónu Gunnarsdóttur, Raftahlíð 48, heimild til að taka fimm börn í daggæslu, þ.m.t. hennar eigin barn ynga en 6 ára, skv. ákvæðum reglugerðar nr.907/2005, sbr. og greinargerð starfsmanna.

Nefndin samþykkir að veita Kristínu B. Ragnarsdóttur, Brekkutúni 12, heimild til að taka fimm börn í daggæslu, þ.m.t. hennar eigin barn undir 6 ára aldri, skv. ákvæðum reglugerðar nr.907/2005, sbr. og greinargerð starfsmanna.

Nefndin samþykkir að veita Jónu Guttormsdóttur, Hólavegi 38, heimild til að taka fimm börn í daggæslu, þ.m.t. hennar eigin barn undir 6 ára aldri, skv. ákvæðum reglugerðar nr.907/2005, sbr. og greinargerð starfsmanna.

Jenný Eiðsdóttir ber fram eftirfarandi tillögu:
Fulltrúar félags og tómstundanefndar fundi sem fyrst með dagmæðrum til að ræða beiðni þeirra varðandi sameiginlega aðstöðu og aukna möguleika til útivistar með börnunum.
Samþykkt samhljóða

Rætt um aukna niðurgreiðslu vegna systkina í gæslu hjá dagforeldri. Fyrir liggur minnisblað félagsmálastjóra dags. 20.01.2009.
Nefndin samþykkir að hlistæðar reglur gildi um systkinaafslátt vegna niðurgreiðslna vegna daggæslu barna hjá dagforeldrum og gilda á leikskólum. Félagsmálastjóra falið að útfæra fyrirkomulag reglna þar að lútandi með hliðsjón af þeim ákvörðunum sem gilda munu um leikskólana.

Lögð fram 3 mál, samþykkt þrjú erindi en einu synjað

Lagt fram til kynningar bréf Sambands íslenskra sveitarfélaga dags. 9. janúar 2009 um undanþágulista vegna hugsanlegra verkfalla.

Formaður kynnir tillögur um breytingar á fjárhagsáætlun fyrir 2009:
Fjárhagsaðstoð: Hækkun 2,2 millj.
Félagsleg heimaþjónusta launaliður:Lækkun: 1,5 millj
Niðurgreidd þjónusta: Lækkun 1,7 millj
Dagvist aldraðra, tekjuliður: Hækkun 1,0 millj.
Dagvist aldraðra, launaliður: 0,9 millj.
Ýmsir styrkir og annað: Lækkun 0,4 millj.
Samtals til lækkunar: 3.279.000 kr.
Félags- og tómstundanefnd samþykkir þessar breytingar samhljóða,og vísar til Byggðarráðs.

Lagt fram bréf frá ASÍ þar sem reifaðar eru hugmyndir um að veita atvinnulausum frían aðgang í sundstaði sveitarfélagsins. Félags-og tómstundanefnd tekur jákvætt í erindið og felur sviðsstjórum Félagsmála-og Frístundasviða í samvinnu við þá sem málið varða, útfærslu hugmyndarinnar.

Formaður kynnir tillögur að breytingum á fjárhagsáætlun fyrir 2009:
Lagt er til að heildarlækkun í 06 málaflokknum nemi 2.429.000.-
Æskulýðs-og tómstundamál um 902.000,- og Íþróttamál um 1.527.000.-
Félags- og tómstundanefnd samþykkir þessar breytingar samhljóða,og vísar til Byggðarráðs.