Málefni dagmæðra

Jenný Eiðsdóttir ber fram eftirfarandi tillögu:
Fulltrúar félags og tómstundanefndar fundi sem fyrst með dagmæðrum til að ræða beiðni þeirra varðandi sameiginlega aðstöðu og aukna möguleika til útivistar með börnunum.
Samþykkt samhljóða

Afgreiðsla 136. fundar félags- og tómstundanefndar staðfest á 241. fundi sveitarstj. 29.01.09 með níu atkvæðum.

Formaður gerði grein fyrir fundi sínum með fulltrúum dagmæðra á Sauðárkróki um bætta starfsaðstöðu þeirra. Nefndin telur mikilvægt að huga að þessum málum nú þegar aukin eftirspurn er eftir þessari þjónustu.
Formanni falið að ræða við sviðsstjóra umhverfis- og tæknisviðs um mögulegar úrbætur á leikvöllum/útivistarsvæðum.
Félagsmálastjóra falið að ræða við fræðslustjóra um samræmingu aðgerða.
Ákveðið að taka málið aftur fyrir á næsta fundi
Gunnar M. Sandholt vék af fundi

Málið tekið fyrir í framhaldi af umræðum á síðasta fundi, sjá bókun.
Formaður greinir frá fundi sem hann átti með tveimur fulltrúum dagmæðra með sviðsstjóra umhverfis- og tæknisviðs og garðyrkjustjóra um leikvallamál. Skoðaðir eru möguleikar á lausn til skamms tíma jafnframt því sem unnið er að áætlun um leikvelli í neðri bænum til langframa.
Félagsmálastjóri gerir grein fyrir viðræðum sínum við fræðslustjóra um starfsaðstæður dagmæðra.
Félagsmálastjóra og formanni falið að leggja fram tillögur um aðgerðir á næsta fundi.

Afgreiðsla 138. fundar félags- og tómstundanefndar staðfest á 243. fundi sveitarstjórnar 10.03.09 með níu atkvæðum.

Lagt fram á 243. fundi sveitarstjórnar 10.03.09.

Rætt um starfsaðstöðu dagmæðra, sbr. fyrri umræður. Niðurstaða hefur dregist á langinn vegna endurskoðunar fjárhagsáætlunar. Jenný Inga, áheyrnarfulltrúi VG. óskar bókað að hún harmi seinagang í afgreiðslu málsins og vill að komið verði til móts við óskir þeirra um styrk til bættrar aðstöðu.

Félags og tómstundanefnd samþykkir að sækja til byggðaráðs um aukafjárveitingu allt að 500.000 kr. til þess að styrkja dagmæður til kaupa á kerrum. Hverri dagmóður sem hyggst starfa næsta vetur standi þannig til boða 50.000 kr. styrkur til kerrukaupa. Þær sem þegar hafa keypt kerru fá samsvarandi styrk.
Fyrir liggja upplýsingar frá tæknisviði að unnið hafi verið í samvinnu við dagmæður um betrumbætur á leiksvæði milli Skagfirðingabrautar og Hólavegar, með leiktækjum sem henta ungum börnum. Virðast þau mál í farvegi. Áfram er unnið að endurbótum á leikvöllum skv. matsskýrslu þar um og áætlun til lengri tíma.
Dagmæðrum stendur til boða afmarkaður aðgangur að lóðum leikskóla að höfðu samráði við viðkomandi leikskólastjóra og þeim stendur til boða að nýta aðstöðu í Húsi frítímans eins og þær hafa óskað eftir.
Með þessum aðgerður telur nefndin að komið hafi verið til móts við dagmæður sbr. viðræður við þær undanfarna mánuði.

Lögð fram fundarbókun Félags- og tómstundanefndar frá 16. júní sl. þar sem samþykkt er að sækja til byggðaráðs um aukafjárveitingu allt að 500.000 kr. til styrktar starfsemi dagmæðra.
Byggðarráð samþykkir erindið. Samþykkt að færa kr. 500.000 af lið 21-890 Ýmsir styrkir, yfir á styrktarlið félagsþjónustu.

Afgreiðsla 481. fundar byggðarráðs staðfest á 249. fundi sveitarstjórnar með níu atkvæðum.

Afgreiðsla 144. fundar félags- og tómstundanefndar lögð fram á 249. fundi sveitarstjórnar.

Afgreiðsla 145. fundar félags- og tómstundanefndar staðfest á 249. fundi sveitarstjórnar með níu atkvæðum.