Byggðarráð Svf. Skagafjarðar

Fundargerð 168. fundar landbúnaðarnefndar lögð fram til afgreiðslu á 633. fundi byggðarráðs eins og einstök erindi bera með sér.

Lögð fram til kynningar fundargerð stjórnarfundar Samtaka sveitarfélaga á köldum svæðum, frá 17. maí 2013.

Lagt fram bréf frá Jöfnunarsjóði sveitarfélaga þar sem kynnt er uppgjör á framlagi vegna lækkaðra fasteignaskattstekna 2013. Úthlutað framlag til sveitarfélagsins á árinu 2013 verður 135.095.255 kr.

Lagt fram til kynningar bréf frá sýslumanninum á Sauðárkróki þar sem tilkynnt er um aðilaskipti að landi, Brúnastaðir I og II, landnúmer 146157. Seljandi Sigurður Sigurðsson og kaupendur Böðvar F. Sigurðsson og Elínóra B. Birkisdóttir.

Lagðar fram til kynningar upplýsingar úr rekstri sveitarfélagsins og stofnana tímabilið janúar-júní 2013.

Lögð fram tillaga um viðauka við fjárhagsáætlun 2013. Um er að ræða hækkun á framkvæmdalið eignasjóðs vegna gatnagerðar, að upphæð 22.000.000 kr.
Byggðarráð samþykkir að hækka framkvæmdalið eignasjóðs um 22.000.000 kr. og mætt með aukinni lántöku.

Lagt fram erindi frá sýslumanninum á Sauðárkróki, þar sem óskað er umsagnar um umsókn Videosports ehf. um flutning á vínveitingaleyfi sínu í veitingatjald við Loðskinn ehf, Borgarmýri 5, Sauðárkróki, föstudaginn 16. ágúst og laugardaginn 17. ágúst n.k. vegna tónlistarhátíðarinnar Gærunnar.
Jafnframt er óskað eftir því að hafa Kaffi Krók og Mælifell opið til kl. 04:00 aðfararnótt laugardagsins 17. ágúst og aðfararnótt sunnudagsins 18. ágúst 2013.
Byggðarráð gerir ekki athugasemd við umsóknina.

Á 303. fundi sveitarstjórnar var lögð fram tillaga frá Sigurjóni Þórðarsyni um að sveitarstjórn Sveitarfélagsins Skagafjarðar fresti öllum kostnaðarsömum innheimtuaðgerðum. Tillögunni var vísað til byggðarráðs til umfjöllunar og afgreiðslu. Á 629. fundi byggðarráðs var samþykkt að afla frekari gagna frá fjármálastjóra.
Farið yfir gögn frá fjármálastjóra og ákveðið að afla frekari gagna.

Jón Magnússon vék af fundi við afgreiðslu þessa dagskrárliðar.
Svohljóðandi bókun gerð á 246. fundi skipulags- og byggingarnefndar:
"Þverárfjallsvegur (744) - Framkvæmdaleyfisumsókn. Fyrir liggur framkvæmdaleyfisumsókn frá Vegagerðinni kt. 680269-2899 dagsett 19. júlí 2013 varðandi breytingar á legu Þverárfjallsvegar um Sauðárkrók. Varðandi skipulagsáætlanir er framkvæmdin í samræmi við aðalskipulag Sveitarfélagsins Skagafjarðar 2009-2021 og í samræmi við deiliskipulag gamla bæjarins á Sauðárkróki frá 1987. Skoðun skipulags- og byggingnarnefndar er að framkvæmdin hafi jákvæð samfélagsleg áhrif og að hún sé mjög mikilvæg vegna öryggi íbúa við norðurhluta Aðalgötu. Fyrir liggur umsögn Skipulagsstofnunar um að framkvæmdin sé ekki háð mati á umhverfisáhrifum. Samþykkt að leggja til við sveitarstjórn að framkvæmdaleyfi sé veitt."
Byggðarráð samþykkir að veita Vegagerðinni framkvæmdaleyfi fyrir breytingu á legu Þverárfjallsvegar um Sauðárkrók.

Fundargerð 246. fundar skipulags- og byggingarnefndar lögð fram til afgreiðslu á 633. fundi byggðarráðs eins og einstök erindi bera með sér.

Lögð fram sátt um eignarréttarlega stöðu Almennings á Skagaheiði á milli íslenska ríkisins, Sveitarfélagsins Skagafjarðar, Skagabyggðar og Sveitarfélagsins Skagastrandar.
Byggðarráð samþykkir að kynna málið fyrir viðkomandi landeigendum.