Fara í efni

Byggðarráð Svf. Skagafjarðar

520. fundur 01. júlí 2010 kl. 09:00 - 10:50 í Ráðhúsi, Skr.
Fundargerð ritaði: Margeir Friðriksson sviðsstjóri stjórnsýslu- og fjármálasviðs
Dagskrá

1.V.I.T. 2010

Málsnúmer 1002246Vakta málsnúmer

Svohljóðandi bókun var gerð á 511. fundi byggðarráðs:

"Eindinu vísað til byggðarráðs frá 157. fundi félags- og tómstundanefndar. Óskar nefndin eftir því að byggðarráð tryggi fjármagn allt að 18 mkr. til verkefnisins sem ætlað er að veita um 50 ungmennum vinnu í sumar. Sótt hefur verið um styrk að upphæð 5,9 mkr. til Mótvægissjóðs velferðarvaktarinnar.

Byggðarráð frestar afgreiðslu málsins þar til niðurstaða kemur úr umsókninni til Mótvægissjóðs velferðarvaktarinnar."

Svar við umsókninni hefur borist frá félags- og tryggingamálaráðuneytinu og tilkynnt að ekki hafi verið unnt að verða við henni.

Styrkur að upphæð kr. 200.000 hefur fengist úr Forvarnarsjóði til verkefnisins.

Undir þessum dagskrárlið komu María Björk Ingvadóttir frístundastjóri og Ivano Tasin forstöðumaður Húss frítímans til viðræðu.

Byggðarráð samþykkir að veita allt að kr. 4.500.000 til verkefnisins og vísar fjármögnun til endurskoðunar fjárhagsáætlunar 2010.

2.Málefni Heilbr.stofnunarinnar Skr. - ósk um fund

Málsnúmer 1006235Vakta málsnúmer

Byggðaráð er boðað til fundar á heilbrigðisstofnuninni fimmtudaginn 1. júlí nk. kl. 11:00 með fulltrúum heilbrigðisráðuneytisins. Fundinn sitja einnig framkvæmdastjórn HS og fulltrúar Akrahrepps.

Fundarefni: Möguleg samvinna, samþætting heilbrigðisstofnana á Sauðárkróki og Blönduósi.

Byggðarráð ítrekar fyrri mótmæli sín enn og aftur vegna niðurskurðar á Heilbrigðisstofnuninni Sauðárkróki langt umfram flestar aðrar heilbrigðisstofnanir í landinu á fjárlögum ársins 2010. Ekki síst í því ljósi er lögð áhersla á að stofnunin þoli ekki skerðingu vegna næsta fjárlagaárs. Mikill niðurskurður hefur þegar komið alvarlega niður á þjónustu og starfsemi stofnunarinnar og verður vart unað við að lengra sé gengið í þeim efnum. Byggðarráð samþykkir að óska eftir fundi hið fyrsta með heilbrigðisráðherra um málefni Heilbrigðisstofnunarinnar Sauðárkróki og áréttar mikilvægi þess að milliliðalaust samráð af hálfu ráðherra sé haft við sveitarstjórnir, eins og lög gera ráð fyrir, áður en teknar eru ákvarðanir sem veruleg áhrif geta haft á starfsemi og þjónustu stofnunarinnar. Mikilvægt er að allar ákvarðanir sem teknar verða varðandi stofnunina miði að því að standa vörð um þá góðu og mikilvægu þjónustu sem stofnunin hefur veitt.

3.Milliuppgjör sveitarfélagsins og stofnana pr. 30.06. 2010

Málsnúmer 1006233Vakta málsnúmer

Stefán Vagn Stefánsson og Bjarni Jónsson leggja fram eftirfarandi tillögu:

"Lagt er til að endurskoðandi sveitarfélagsins framkvæmi milliuppgjör pr. 30.06. 2010 fyrir sveitarfélagið og stofnanir þess. Í uppgjörinu komi fram rekstrarniðurstaða í samanburði við fjárhagsáætlun, uppreiknaðar eignir, skuldir og skuldbindingar og helstu lykiltölur sambærilegar þeim er birtast í ársreikningi hverju sinni."

Byggðarráð samþykkir tillöguna og að einnig komi fram þær samanburðartölur og viðmið sem Eftirlitsnefnd sveitarfélaga notar.

4.Umsögn um frumvarp til laga um verndar- og nýtingaráætlun vegna virkjunar

Málsnúmer 1006217Vakta málsnúmer

Lagt fram erindi frá iðnaðarnefnd Alþingis þar sem óskað er umsagnar um frumvarp til laga um verndar- og nýtingaráætlun vegna virkjunar fallvatna og háhitasvæða (heildarlög), 660. mál. Þess er óskað að umsögn berist fyrir 4. ágúst 2010.

Byggðarráð samþykkir að vísa erindinu til umsagnar umhverfis- og samgöngunefndar.

5.Sæmundargata 7 - Umsagnarbeiðni rekstarleyfi

Málsnúmer 1006202Vakta málsnúmer

Lagt fram bréf frá sýslumanninum á Sauðárkróki, þar sem hann óskar umsagnar um umsókn Ivano Tasin um rekstrarleyfi fyrir Hús frítímans, Sæmundargötu 7, Sauðárkróki. Veitingastaður flokkur I - Samkomusalir.

Byggðarráð gerir ekki athugasemdir við umsóknina.

6.Ágóðahlutur 2010 til aðildarsveitarfélaga

Málsnúmer 1006203Vakta málsnúmer

Lagður fram til kynningar tölvupóstur frá Eignarhaldsfélagi Brunabótafélags Íslands, þar sem fram kemur að ágóðahlutur ársins 2010 til aðildarsveitarfélaga EBÍ verði sá sami og árið 2009.

7.Rekstrarupplýsingar 2010 - sveitarsjóður og stofnanir

Málsnúmer 1004072Vakta málsnúmer

Lagðar fram til kynningar upplýsingar úr rekstri sveitarfélagsins og stofnana þess fyrir tímabilið janúar - maí 2010, ásamt skýrslu til Hagstofu Íslands fyrir sama tímabil. Einnig upplýsingar um bókaðan og áfallinn kostnað vegna framkvæmda sveitarfélagsins utan framkvæmda Skagafjarðarveitna ehf.

Byggðarráð mælist til að í þeim tilvikum þar sem einstakar rekstrareiningar eru að fara framúr fjárheimildum að tekið sé á þeim vanda í tíma. Óskað er eftir skýringum frá viðkomandi sviðsstjórum þar sem um slíkt er að ræða í deildayfirlitinu.

8.Velferðarvaktin - sumarstörf unglinga

Málsnúmer 1006199Vakta málsnúmer

Lagt fram til kynningar bréf frá Velferðarvaktinni til sveitarfélaga. Þar kemur fram að á fundi Velferðarvaktarinnar 18. maí sl. var samþykkt að beina því til sveitarfélaganna að leita allra leiða til að tryggja ungmennum 17 og 18 ára vinnu í sumar og láta þau sem ekki fengu vinnu í fyrrasumar fá forgang að störfum.

9.Vegna yfirfærslu á málefnum fatlaðra

Málsnúmer 1006198Vakta málsnúmer

Lagt fram til kynningar bréf frá Svæðisráði málefna fatlaðra á Norðurlandi vestra, þar sem sveitarstjórnir á Norðurlandi vestra og Fjallabyggð eru minntar á þá miklu ábyrgð sem fylgir yfirfærslu málefna fatlaðra frá ríki til sveitarfélaga þann 1. janúar 2011. Nauðsynlegt sé að hagsmunir og réttindi fatlaðra verði höfð að leiðarljósi í öllum ákvörðunum sem teknar verði varðandi yfirfærslu málaflokksins.

Fundi slitið - kl. 10:50.