Byggðarráð Svf. Skagafjarðar

Lagt fram bréf frá Sjálfboðaliðasamtökunum SEEDS, þar sem boðin fram starfskraftur erlendra sjálfboðaliða til umhverfis- og menningarmála í samstarfi við sveitarfélög, samtök og einstaklinga á árinu 2011.

Sveitarstjóra er falið að skoða málið nánar og afgreiða erindið.

Lagt fram bréf frá sóknarnefnd Glaumbæjarkirkju þar sem óskað er eftir að sveitarfélagið taki þátt að lágmarki 300.000 kr. til að greiða kostnað við endurhleðslu á vegg við austurhluta Glaumbæjarkirkjugarðs. Kostnaðaráætlun hljóðar upp á 1.300.000 kr. Samkvæmt lögum um kirkjugarða nr. 36/1993 og viðmiðunarreglum Kirkjugarðaráðs og Sambands ísl. sveitarfélaga, dags. 29.06. 2007 ber sveitarfélagi að láta ókeypis í té efni í girðingu um kirkjugarða.

Byggðarráð samþykkir að vísa erindinu til gerðar fjárhagsáætlunar ársins 2011.

Ársfundundur Starfsendurhæfingar Norðurlands vestra verður haldinn á Blönduósi, þriðjudaginn 26. október 2010.

Byggðarráð samþykkir að Ásta Pálmadóttir, sveitarstjóri verði fulltrúi sveitarfélagsins á fundinum.

Lagt fram erindi frá sýslumanninum á Sauðárkróki þar sem óskað er umsagnar um umsókn Kristínar Elfu Magnúsdóttur fyrir hönd Videosport ehf., um endurnýjun á rekstrarleyfi fyrir Mælifell, Aðalgötu 7, Sauðárkróki. Veitingaleyfi flokkur III.

Byggðarráð gerir ekki athugasemdir við umsóknina fyrir sitt leyti.

1. þingmaður Norðvesturkjördæmis hefur boðað til árlegs fundar þingmanna kjördæmisins með sveitarstjórnum á Norðurlandi vestra. Fundurinn verður þriðjudaginn 26. október 2010 á Blönduósi.

Byggðarráð samþykkir að þeir byggðarráðsfulltrúar sem geta sæki fundinn fyrir hönd sveitarfélagsins.

Lagt fram til kynningar erindi frá Margréti Maríu Sigurðardóttur, umboðsmanni barna, þar sem m.a. hvatt er til þess að sveitarfélög komi til móts við fjölskyldur í fjárhagsvanda og tryggi öllum börnum tækifæri til að ganga í leikskóla óháð efnahag foreldra.

Byggðarráð felur sviðsstjóra stjórnsýslu- og fjármálasviðs að leggja fyrir næsta fund yfirlit yfir stöðu innheimtumála hjá sveitarfélaginu.

Lögð fram til kynningar bókun stjórnar SSNV frá 12. okbóber 2010 um breytingar á lögregluumdæmum.

Lögð fram til kynningar tilkynning frá Sambandi ísl. sveitarfélaga um ráðstefnu um almannavarnir í sveitarfélögum, þann 21. október 2010.

Lögð fram til kynningar drög að tillögu starfshóps, sem endurskoðar regluverk Jöfnunarsjóðs, um mögulega breytingu á framlagi sjóðsins vegna fasteignaskatts, almenns jöfnunarframlags og útgjaldajöfnunarframlags.

Lagt fram til kynningar bréf frá Eignarhaldsfélagi Brunabótarfélags Íslands, þar sem fram kemur að ágóðahlutagreiðsla sveitarfélagsins nemur 10.068.000 kr. árið 2010.

Lagðar fram til kynningar tölulegar upplýsingar um rekstur sveitarfélagsins og stofnana fyrir tímabilið janúar-ágúst 2010.

Byggðarráð óskar eftir skýringum frá viðkomandi sviðsstjórum varðandi þá rekstrareiningar sem eru komnar verulega fram úr fjárhagsáætlun ársins.