Fræðslunefnd Svf. Skagafjarðar

Lagður fram tölvupóstur frá Jóni Hilmarssyni, skólastjóra Grunnskólans austan Vatna, þar sem hann lýsir áhyggjum sínum vegna fyrirsjáanlegs biðlista í leikskólanum á Hofsósi frá og með skólaárinu 2011. Nú eru þar 16 börn og ljóst þykir að ekki er hægt að bæta við fleiri börnum við núverandi húsnæðisaðstæður. Fræðslunefnd samþykkir að vísa erindinu til gerðar fjárhagsáætlunar fyrir árið 2011.

Lögð voru fram 2 tilboð í framleiðslu hádegisverðar í leikskólanum Ársölum. Annars vegar frá Videosport ehf. og hins vegar frá Skagfirskum Mat ehf.Fræðslunefnd samþykkir að ganga til viðræðna við Skagfirskan Mat ehf. á grundvelli tilboðsins. Sigríður Svavarsdóttir óskar bókað að hún sitji hjá við afgreiðslu málsins.

Lagðar voru fram ársskýrslur leikskólanna fyrir árið 2009-2010. Skýrslurnar eru aðgengilegar á heimasíðum viðkomandi skóla.

Fræðslustjóri lagði fram minnisblað um biðlista við Árvist. Þar eru nú 76 börn. Á biðlista eru 10 börn. Fræðslunefnd samþykkir að ráða starfsmann í 50% starf til að mæta biðlistanum.Vistunargjöld standa að mestu leyti undir launakostnaði þessa starfsmanns. Málefni Árvistar vísað að öðru leyti til gerðar fjárhagsáætlunar fyrir árið 2011.

Lögð voru fram til kynningar drög að almennum hluta aðalnámskrár fyrir grunnskóla sem til vinnslu eru í mennta- og menningarmálaráðuneytinu. Frestur til að skila inn athugasemdum er 1. október n.k.

Lagðar voru fram ársskýrslur grunnskólanna fyrir árið 2009-2010. Skýrslurnar eru aðgengilegar á heimasíðum viðkomandi skóla.

Dagatal tónlistarskóla lagt fram. Fræðslunefnd samþykkir dagatalið eins og það liggur fyrir.

Lagðar voru fram ársskýrsa tónlistarskólans fyrir árið 2009-2010.

Lögð var fram til kynningar handbók um stefnumótun sveitarfélaga í skólamálum

Málstofa Sambands íslenskra sveitarfélaga um skólamál verður haldin þann 1. nóvember í Reykjavík. Að þessu sinni ber málstofan heitið ,,Skólabragur" og m.a. fjallað um reglugerð um ábyrgð nemenda.

Kynnt var erindi frá Sambandi íslenskra sveitarfélaga og Heimili og skóla um fræðslufundaröð á landsbyggðinni þar sem fjallað verður um einelti. Fundurinn í Skagafirði verður haldinn þann 5. október n.k.