Landbúnaðar- og innviðanefnd

Umhirða skógarreits í Skógarhlíð í Silfrastaðaafrétt,vestan þjóðvegar 1. Reiturinn var stofnaður af Landgræðslunni (nú Land og skógur) og Akrahreppi 2010. Vegna ágangs sauðfjár liggja skógarplöntur nú undir skemmdum. Landbúnaðar og innviðanefnd samþykkir samhljóða að fela umhverfis- og landbúnaðarfulltrúa að auglýsa eftir áhugasömum einstaklingum eða félagasamtökum til að taka að sér umsjón svæðisins.

Kári Gunnarsson umhverfis- og landbúnaðarfulltrúi fór yfir uppgjör refa- og minnkaveiða 2024. Búið er að veiða 144 minka og 334 refi á veiðitímabilinu sem er heldur færra en verið hefur síðustu ár. Landbúnaðar- og innviðanefnd samþykkir samhljóða að fela Umhverfis- og landbúnaðarfulltrúa að kaupa fimm gildrur til minkaveiða samkvæmt umræðu á fundi með veiðimönnum s.l. vor.

Ársreikningur fjallskilanefndar Unadals fyrir árið 2023 lagður fram.

Kári Gunnarsson umhverfis- og landbúnaðarfulltrúi kynnti drög að reglum um nýtt fyrirkomulag snjómokstrar á heimreiðum. Landbúnaðar- og innviðanefnd frestar afgreiðslu og samþykkir samhljóða að málið verði unnið áfram.

Kynnt voru drög að breytingum gjaldskrár og reglugerðar um SKV-hitaveitu frá 2013. Landbúnaðar- og innviðanefnd felur starfsmönnum Skagafjarðarveitna að vinna drögin áfram og leggja fram á næsta fundi.

Árni Egilsson skrifstofustjóri Skagafjarðarveitna og Gunnar Björn Rögnvaldsson verkefnastjóri Skv. sátu fundinn undir þessum lið.
Sólborg Borgarsdóttir vék af fundi eftir þennan lið

Farið var yfir fyrirkomulag gjaldskrár vegna dýrahræja. Afgreiðslu málsins frestað

Lagt fram til kynningar yfirlit vegna sorpurðunar í Stekkjavík fyrstu sex mánuði ársins.

Lagt fram fundarboð til 44. hafnasambandsþings Hafnasambands Íslands sem fram fer í Hofi á Akureyri 24. og 25. október nk. en Skagafjarðarhafnir eiga þar fimm fulltrúa auk þess sem velja skal jafnmarga varafulltrúa. Tilkynnt skal um kjör fulltrúa á þingið fyrir 15. október.