Sveitarstjórn Sveitarfélagins Skagafjarðar

Bjarki Tryggvason tók til máls og lagði fram tillögu varðandi heilbrigðismál.

Þorsteinn Tómas Broddason, Sigríður Svavarsdóttir, Sigurjón Þórðarson kvöddu sér hljóðs, þá Bjarni Jónsson með leyfi varaforseta þá Viggó Jónsson og Þorsteinn Tómas Broddason.

Tillagan var til umræðu, lögð fram og samþykkt með áorðnum orðalagsbreytingum.

Ályktun vegna aðfarar að Heilbrigðisstofnuninni Sauðárkróki

Sveitarstjórn Sveitarfélagsins Skagafjarðar mótmælir harðlega þeim niðurskurðartillögum á heilbrigðisstofnuninni á Sauðárkróki sem áformaðar eru. Sveitarstjórn mótmælir einnig harðlega þeim vinnubrögðum velferðarráðherra, Guðbjarts Hannessonar, að verða ekki við ítrekaðri beiðni sveitarstjórnar um fund vegna fyrirhugaðs niðurskurðar hjá Heilbrigðisstofnuninni Sauðárkróki.

Sveitarstjórn Sveitarfélagsins Skagafjarðar mótmælir harðlega þeim vinnubrögðum velferðarráðherra, Guðbjarts Hannessonar, að verða ekki við ítrekaðri beiðni sveitarstjórnar um fund vegna fyrirhugaðs niðurskurðar hjá Heilbrigðisstofnuninni Sauðárkróki.

Í samstarfsyfirlýsingu Samfylkingarinnar og Vinstrihreyfingarinnar græns framboðs er kveðið á um að áhættumat verði ávallt lagt til grundvallar ákvörðunum um niðurskurð og sameiningu stofnana og þess freistað að leggja mat á hættu á auknum kostnaði til lengri tíma litið. Jafnframt að lögð verði áhersla á samstöðu um brýn velferðarverkefni, verndun starfa, kynjajafnrétti og áhrif á byggðirnar. Þá eigi að kalla fagfólk og notendur til samráðs í sparnaðaraðgerðum.

Þegar þessi orð eru höfð til hliðsjónar við lestur fjárlagafrumvarps næsta árs má hverjum manni vera það ljóst að svokölluð samstarfsyfirlýsing stjórnarflokkanna er aðeins fagurgali sem aldrei hefur staðið til að efna. Keyra á grundvallarbreytingar á heilbrigðiskerfinu í gegnum fjárlagafrumvarpið, án nokkurs samráðs við fagfólk og íbúa eða tilraunar til samstöðu.

Það er með öllu ólíðandi að Skagfirðingar þurfi að bera þyngri byrðar en aðrir landsmenn þegar kemur að niðurskurði ríkisins í heilbrigðismálum. Boðaður niðurskurður leiðir til áframhaldandi skerðingar á þjónustu og mikilvægir þættir verða með öllu aflagðir. Verði af tillögunum mun heilbrigðisstofnunin verða fyrir óbætanlegum skaða og ekki standa söm á eftir. M.a. á að loka endurhæfingaraðstöðu stofnunarinnar en á meðal hópa sem úthýsa á með þeim hætti eru sjúklingar og vistmenn á stofnuninni, öryrkjar og fatlaðir sem búa á svæðinu, auk vefjagigtar-, hjarta-, lungna- og offitusjúklinga. Þá mun almennum íbúum héraðsins ekki bjóðast þjónusta farandsérfræðinga sem koma með reglubundnum hætti til stofnunarinnar heldur munu þeir og aðstandendur þeirra þurfa að ferðast um langan veg þar sem er yfir fjallvegi að fara til að sækja slíka þjónustu, sem þykir sjálfsögð annars staðar.

Ef þessi niðurskurður er til marks um norræna velferð frábiðja Skagfirðingar sér hana en óska þess í stað eftir þeirri íslensku velferð sem þó hefur verið í boði fram til þessa.

Með niðurskurðartillögum velferðarráðherra er verið að ganga á svig við jafnan rétt landsmanna til fullkomnustu heilbrigðisþjónustu sem á hverjum tíma er völ á að veita eins og þó er boðið að landsmenn skuli njóta skv. lögum um heilbrigðisþjónustu. Þá virðast niðurskurðartillögurnar í beinni andstöðu við önnur lagaákvæði sem tryggja íbúum jafnan rétt til heilsu sem og ákvæði alþjóðlegra mannréttindasáttmála sem staðfestir hafa verið af Íslands hálfu.

Það er afar ósvífið að íbúar Skagafjarðar, sem ekki nutu uppgangs í hinu svokallaða góðæri, skuli nú eiga að bera þyngstu byrðarnar.

Stefán Vagn Stefánsson

Sigríður Magnúsdóttir

Bjarki Tryggvason

Bjarni Jónsson

Viggó Jónsson

Sigurjón Þórðarson

Þorsteinn Tómas Broddason

Jón Magnússon

Sigríður Svavarsdóttir

Fundargerð 568. fundar byggðarráðs lögð fram til afgreiðslu á 284. fundi sveitarstjórnar eins og einstök erindi bera með sér. Jón Magnússon kynnti fundargerð. Enginn kvaddi sér hljóðs.

Fundargerð 569. fundar byggðarráðs lögð fram til afgreiðslu á 284. fundi sveitarstjórnar eins og einstök erindi bera með sér. Jón Magnússon kynnti fundargerð. Enginn kvaddi sér hljóðs.

Fundargerð 570. fundar byggðarráðs lögð fram til afgreiðslu á 284. fundi sveitarstjórnar eins og einstök erindi bera með sér. Jón Magnússon kynnti fundargerð. Enginn kvaddi sér hljóðs.

Fundargerð 571. fundar byggðarráðs lögð fram til afgreiðslu á 284. fundi sveitarstjórnar eins og einstök erindi bera með sér. Jón Magnússon kynnti fundargerð. Enginn kvaddi sér hljóðs.

Fundargerð 572. fundar byggðarráðs lögð fram til afgreiðslu á 284. fundi sveitarstjórnar eins og einstök erindi bera með sér. Jón Magnússon kynnti fundargerð. Enginn kvaddi sér hljóðs.

Fundargerð 573. fundar byggðarráðs lögð fram til afgreiðslu á 284. fundi sveitarstjórnar eins og einstök erindi bera með sér. Jón Magnússon kynnti fundargerð. Enginn kvaddi sér hljóðs.

Fundargerð 178. fundar félags- og tómstundanefndar lögð fram til afgreiðslu á 284. fundi sveitarstjórnar eins og einstök erindi bera með sér. Bjarki Tryggvason kynnti fundargerð. Þorsteinn Tómas Broddason kvaddi sér hljóðs.

Fundargerð 73. fundar fræðslunefndar lögð fram til afgreiðslu á 284. fundi sveitarstjórnar eins og einstök erindi bera með sér. Bjarki Tryggvason kynnti fundargerð. Sigurjón Þórðarson kvaddi sér hljóðs.

Fundargerð 55. fundar menningar- og kynningarnefndar lögð fram til afgreiðslu á 284. fundi sveitarstjórnar eins og einstök erindi bera með sér. Sigríður Magnúsdóttir kynnti fundargerð. Þorsteinn Tómas Broddason, Jón Magnússon, Sigríður Magnúsdóttir, Þorsteinn Tómas Broddason kvöddu sér hljóðs.

Fundargerð 56. fundar menningar- og kynningarnefndar lögð fram til afgreiðslu á 284. fundi sveitarstjórnar eins og einstök erindi bera með sér. Sigriður Magnúsdóttir kynnti fundargerð. Enginn kvaddi sér hljóðs.

Fundargerð 229. fundar skipulags- og byggingarnefndar lögð fram til afgreiðslu á 284. fundi sveitarstjórnar eins og einstök erindi bera með sér. Viggó Jónsson kynnti fundargerð. Jón Magnússon og Viggó Jónsson kvöddu sér hljóðs.

Viggó Jónsson tók til máls og lagði fram eftirfarandi tillögu.

Ályktun vegna tillagna frá starfshópi sjávarútvegsráðherra

Sveitarstjórn Sveitarfélagsins Skagafjarðar fagnar tillögum frá starfshópi sjávarútvegsráðherra er fela í sér viðurkenningu á þeirri miklu tilfærslu fjármagns sem við lýði er frá landsbyggðinni til höfuðborgarsvæðisins og styður þá viðleitni sem í tillögunum er að finna til að tekjurnar komi til baka, a.m.k. að hluta til. Í tillögum starfshópsins er gert ráð fyrir að tekjur af veiðigjaldi skiptist þannig að 50% renni í ríkissjóð, 40% til sjávarbyggða og 10% til þróunar- og markaðsmála í sjávarútvegi. Veiðigjald verði einn af lögmætum tekjustofnum sveitarfélaga.

Ekki síst er þetta mikilvægt á tímum þar sem gríðarlegur niðurskurður á sér stað víða um land, m.a. í heilbrigðis- og samgöngumálum, á sama tíma og útflutningsgreinarnar og ekki síst fyrirtæki á landsbyggðinni eru látin bera æ meiri skattbyrði.

Viggó Jónsson og Jón Magnússon

Sigurjón Þórðarson, Jón Magnússon, Sigurjón Þórðarson, Þorsteinn Tómas Broddason, Jón Magnússon, Þorsteinn Tómas Broddason, Viggó Jónsson, Sigurjón Þórðarson kvöddu sér hljóðs, þá Jón Magnússon sem lagði fram breytingartillögu svohljóðandi

? Sveitarstjórn Sveitarfélagsins Skagafjarðar fagnar tillögum ?um ráðstöfun veiðileyfagjalds? frá starfshópi sjávarútvegsráðherra er fela í sér viðurkenningu á þeirri miklu tilfærslu fjármagns sem við lýði er frá landsbyggðinni til höfuðborgarsvæðisins og styður þá viðleitni sem í tillögunum er að finna til að tekjurnar komi til baka, a.m.k. að hluta til.

Og síðasta málsgrein verði þannig: Ekki síst er þetta mikilvægt á tímum þar sem gríðarlegur niðurskurður á sér stað víða um land, m.a. í heilbrigðis- og samgöngumálum, á sama tíma og ?atvinnulífið? og ekki síst fyrirtæki á landsbyggðinni eru látin bera æ meiri skattbyrði.

Forseti bar upp breytingartillögu Jóns Magnússonar,var hún samþykkt samhljóða.

Forseti bar upp tillögu Viggós Jónssonar og Jóns Magnússonar með áorðnum breytingum, og var hún samþykkt samhljóða.

Fjárhagsáætlun sveitarfélagsins og stofnana þess fyrir árið 2012 lögð fram til fyrri umræðu. Áætlunin gerir ráð fyrir að A-hluti sveitarfélagsinws verði rekinn með 26.563 þús. króna halla. Samstæða A og B hluta verði rekin með 1.689 þús. króna rekstrarafgangi. Forseti gerir tillögu um að vísa fjárhagsáætlun 2012 til nefnda og síðari umræðu í sveitarstjórn. Var það samþykkt samhljóða.

Fundargerðir stjórnar Menningarseturs Skagfirðinga frá 9. júní 2011 lögð fram til kynningar á 274. fundi sveitarstjórnar.

Jón Magnússon kvaddi sér hljóðs.

Fundargerðir stjórnar Menningarseturs Skagfirðinga frá 1. nóvember 2011 lögð fram til kynningar á 274. fundi sveitarstjórnar.

Fundargerð stjórnar Skagafjarðarveitna frá 15. nóvember 2011 lögð fram til kynningar á 274. fundi sveitarstjórnar.

Fundargerð stjórnar Norðurár bs. frá 5. september 2011 lögð fram til kynningar á 274. fundi sveitarstjórnar.

Fundargerð árs- og eigendafundar Norðurár bs. frá 15. september 2011 lögð fram til kynningar á 274. fundi sveitarstjórnar.

Fundargerð skólanefndar Fjölbrautaskóla Norðurlands vestra frá 18. október 2011 lögð fram til kynningar á 274. fundi sveitarstjórnar.

Fundagerðir Heilbrigðiseftirlits Norðulands vestra frá 1. og 22. nóvember 2011 lagðar fram til kynningar á 274. fundi sveitarstjórnar.

Fundargerðir stjórnar Sambands íslenskra sveitarfélaga frá 9. sept og 28. október 2011 lagðar fram til kynningar.

Jafnframt eru lagðar fram til kynningar fundargerðir; Samráðsfundar stjórnar Sambands íslenskar sveitarfélaga og formanna og framkvæmdastjóra landshlutasamtaka sveitarfélaga frá 14. október 2011 og frá samráðsfundi ríkis og sveitarfélaga frá 5. október 2011.