Veitunefnd Svf Skagafjarðar

Farið var yfir stöðu hitaveituframkvæmda í Lýtingsstaðahreppi.
Framkvæmdir hófust 22. maí sl. og er búið að leggju um 5,5km af stállögnum.
Verktaki við verkið er Vinnuvélar Símonar ehf.

Þann 15. maí sl. voru opnuð tilboð í verkið "Lagning ljósleiðara, Marbæli - Sauðárkrókur"
Eftirfarandi tilboð bárust í verkið;
Vinnuvélar Símonar ehf. 29.525.040.-
Vélaþjónustan Messuholti ehf. 85.666.990.-

Kostnaðaráætlun verksins var 35.600.300.-

Veitunefnd samþykkir að ganga til samninga við lægstbjóðanda, Vinnuvélar Símona ehf. og felur sviðstjóra að ganga frá samningi vegna verksins.

Sviðsstjóra hafa borist nokkrar fyrirspurnir varðandi möguleika á því að tengja íbúðar- og sumarhús ofan Steinsstaðahverfis við vatnsveitu Skagafjarðarveitna.
Veitunefnd tekur jákvætt í erindið og felur sviðsstjóra að vinna áfram að málinu.

Lagðar voru fram til kynningar tillögur frá Varmahlíðarstjórn að útsýnisskiltum á Reykjarhól við Varmahlíð. Um er að ræða tvö "panorama" skilti með ljósmynd þar sem fjöll og helstu örnefni koma fram.
Gert er ráð fyrir að skiltin séu staðsett ofan á heitavatnstanki Skagafjarðarveitna.
Veitunefnd samþykkir uppsetningu umræddra skilta í samráði við Skagafjarðarveitur.

Í kjölfar kynningarfundar með íbúum og landeigendum á norðanverðu Hegranesi, Reykjaströnd ásamt Skarði og Veðramóti og Efribyggð voru send út bréf til þess að kanna áhuga á viðkomandi svæðum á mögulegri lagningu hitaveitu um svæðin. Alls voru send út um 38 bréf og hefur til þessa 21 bréfi verið svarað og eru öll svörin jákvæð að einu undanskildu.

Skagafjarðarveitur fengu Íslenskar Orkurannskóknir til að taka sýni úr hitaveituvatni úr Borgarmýrum við Sauðárkrók og gera á því greiningu eins og um kalt neysluvatn væri að ræða. Niðurstöður greiningar eru í stuttu máli þær að efnainnihald heita vatnsins er í velflestum tilfellum vel innan þeirra marka sem neysluvatnsreglugerðin setur. Frá þessu eru þó þrjár undantekningar; sýrustig, lykt (af brennisteinsvetni) og flúoríð sem öll eru örlítið yfir mörkum fyrir neysluvatn.
Í niðurlagi skýrslunnar segir að ekki sé hægt að mæla með hitaveituvatni til drykkjar eða almennrar neyslu. Hins vegar getur heilbrigðisnefnd gefið leyfi til takmarkaðrar notkunar, til dæmis til matvælaframleiðslu.

Rætt um áframhaldandi uppbyggingu ljósleiðara í dreifbýli.
Sviðsstjóra falið að ræða við Mílu.
Samþykkt að bjóða út síðustu áfanga Ísland ljóstengt 2017 í Skagafirði.