Fréttir

Dagur íslenskrar tungu er í dag 16. nóvember, fæðingardagur rómantíska skáldsins Jónasar Hallgrímssonar en hann fæddist árið 1807 og því eru 210 ár frá fæðingardegi hans í dag. Í tilefni dagsins verður dagskrá í Löngumýri þar sem Skagfirski kammerkórinn, kór eldri borgara og nemendur 7. bekkjar Varmahlíðarskóla verða með dagskrá helgaða skáldinu Halldóri Kiljan Laxness og íslenskunemar í FNV ætla að þreyta sund í sundlaug Sauðárkróks til heiðurs sundáhuga Jónasar.

Boðað er til íbúafundar í fundarsal sveitarfélagsins í Húsi frítímans þriðjudaginn 21. nóvember kl 17 til kynningar á verkefninu verndarsvæði í byggð á Sauðárkróki. Sveitarfélagið hlaut styrk frá Minjastofnun Íslands árið 2015 til að vinna tillögur að verndarsvæði í byggð á Sauðárkróki og Hofsósi.

Í kvöld 15. nóvember munu fjórir höfundar lesa úr nýútkomnum bókum sínum í Safnahúsi Skagfirðinga við Faxatorg á Sauðárkróki. Samkoman hefst kl 20 og eru allir velkomnir.

Starfsmaður aðstoðar blindan einstakling í nágrenni Varmahlíðar. Starfið felst m.a. í aðstoð við athafnir daglegs lífs og félagslegum stuðningi. Starfið hentar konum jafnt sem körlum.

Frestur til að skila inn umsóknum í Uppbyggingarsjóð og Atvinnu- og nýsköpunarsjóð Sóknaráætlunar Norðurlands vestra rennur út 30. nóvember næstkomandi. Umsækjendum stendur til boða að mæta og fá aðstoð og ráðgjöf við gerð umsóknar í þessari viku.

Næsti fundur sveitarstjórnar Sveitarfélagsins Skagafjarðar verður miðvikudaginn 8. nóvember að Sæmundargötu 7a og hefst hann kl 16:15

Lionsklúbbarnir fjórir sem starfandi eru í Skagafirði hafa undanfarna mánuði staðið fyrir fjáröflun fyrir skynörvunarherbergi í Iðju dagþjónustu. Í dag, föstudaginn 3. nóvember, fór fram formleg afhending skynörvunarherbergisins þar sem fráfarandi formaður Lionsklúbbs Sauðárkróks afhenti sveitarstjóra Sveitarfélagsins Skagafjarðar áritaðan skjöld sem settur var upp í Iðju.

Brunavarnir Skagafjarðar óska eftir að ráða varaslökkviliðsstjóra. Starfið er laust frá og með 1. desember 2017.

Lið Skagafjarðar mætir liði Vestmannaeyja í Útsvari á RÚV í kvöld. Umsjónarmenn þáttarins eru Guðrún Dís Emilsdóttir og Sólmundur Hólm. Þátturinn er sýndur í beinni útsendingu og hefst kl. 20:05. Fulltrúar Skagafjarðar eru Björg Baldursdóttir, Heiðdís Lilja Magnúsdóttir og Ingólfur Valsson.