Fréttir

Sveitarfélagið Skagafjörður mun taka þátt í samstarfsverkefninu Þjóðarsáttmáli um læsi. Illugi Gunnarsson mennta- og menningarmálaráðherra hefur boðað komu sína til undirritunar samningsins í Árskóla þann 1. september næstkomandi.

Árlegur fræðsludagur leik-, grunn- og tónlistarskóla Skagafjarðar var haldinn síðastliðinn föstudag í Miðgarði. Dagurinn markar upphaf að nýju skólastarfi en þar koma saman allir starfsmenn skólanna um 200 manns.

Næstu vikurnar mun fara fram tæming rotþróa í Skagafirði. Að þessu sinni verður tæmt vestan Vatna frá Skagafjarðardölum til Sauðárkróks og eru eigendur beðnir að tryggja gott aðgengi fyrir losunarbílinn.

Sundlaugin í Varmahlíð lokar kl 18 næstkomandi föstudag 28. ágúst en ekki kl 21 eins og aðra föstudaga í sumar.

Fyrir nokkru voru landgræðslunemar á vegum Landgræðsluskóla Háskóla Sameinuðuþjóðanna á kynnisferð um Skagafjörð. Þeir komu m.a. við í ráðhúsi sveitarfélagsins í fylgd héraðsfulltrúa Landgræðslunnar á Norðurlandi vestra og fengu kynningu hjá sveitarstjóranum.

Fjölskyldusvið Sveitarfélagsins Skagafjarðar auglýsir eftir starfsmanni í Árvist. Um er að ræða tímabundið hlutastarf (50-60%) næsta skólaár, með möguleika á áframhaldandi ráðningu og er vinnutíminn eftir hádegi alla virka daga.

Veiðileyfi í Laxá í Laxárdal í fyrrum Skefilsstaðahreppi er til sölu en það er sunnudagurinn 23. ágúst sem um ræðir. Leyfið gildir á svæði 2 fyrir hádegi og svæði 1 eftir hádegi og er ein stöng leyfð í senn á hvoru svæði.

Hin árlega landbúnaðarsýning Sveitasæla verður í reiðhöllinni Svaðastöðum laugardaginn 22. ágúst. Sýningin verður opin milli kl 10 og 17:30 og er aðgangur ókeypis. Handverksmarkaður verður á staðnum og fyrirtæki að kynna vörur sínar auk ýmissa atriða fyrir allan aldur. Kvöldvaka verður kl 19:30 og nokkur bú verða opin á sunnudeginum.

Næsti fundur sveitarstjórnar verður haldinn miðvikudaginn 19. ágúst kl. 16:15