Fréttir

Nú þegar mesta annatíma ársins er að ljúka í ferðamennskunni eru komnar tölur hjá Byggðasafni Skagfirðinga um heimsóknir gesta og hefur þeim fjölgað milli ára. Framundan eru hauststörfin, úrvinnsla rannsókna sumarsins, skýrsluskrif og fleira.

Nú er haustið að ganga í garð, grunnskólarnir byrjaðir og í dag 7. september hefst tveggja vikna sundnámskeið í sundlauginni á Króknum. Laugin er þá lokuð almenningi virka daga milli kl 13 og 15.

Minnt er á íbúafund sem haldin verður á Mælifelli á Sauðárkróki kl. 17:00 í dag. Þar verða kynntar niðurstöður greinargerðar Capacent um búsetuskilyrði í sveitarfélaginu. Við hvetjum alla sem áhuga hafa á málinu að mæta á fundinn. Fyrir þá sem komast ekki á fundinn þá verður hann tekinn upp og birtur á heimasíðu Sveitarfélagsins Skagafjarðar á allra næstu dögum.

Ánægjuleg sending barst með pósti í gær en þar var að finna kennslubók frá útgáfuforlaginu Heinemann. Bókin sem ber titilinn "Into the Unknown: Bold Women Who Explored the World", fjallar eins og gefið er til kynna um nokkrar konur sem voru frumkvöðlar á meðal landkönnuða heimsins.

Í gær var Þjóðarsáttmáli um læsi undirritaður í Árskóla á Sauðárkróki. Illugi Gunnarsson mennta- og menningarmálaráðherra var mættur og undirritaði ásamt sveitarstjóra og fulltrúa Heimilis og skóla.

Héraðsbókasafn Skagfirðinga auglýsir eftir starfsmanni í 85% starf. Umsækjandi þarf að geta hafið störf sem fyrst.

Boðað er til íbúafundar til að kynna niðurstöður könnunar á búsetuskilyrðum í Sveitarfélaginu Skagafirði fimmtudaginn 3. september kl. 17 á Mælifelli á Sauðárkróki.

Í gær var nýrri brú komið fyrir neðan stíflu í Sauðárgili.

Fjölskylduþjónusta Skagfirðinga leitar eftir samstarfi við aðila sem gæti hugsað sér að taka börn í daggæslu á einkaheimili í Varmahlíð eða næsta nágrenni.