Umhverfis- og samgöngunefnd Svf Skagafjarðar

Gunnar Steingrímsson yfirhafnarvörður gerir að tillögu sinni að Almennir liðir aðrir en útseld vinna hækki um 3,3% samkvæmt vísitölu neysluverðs.

Gunnar Steingrímsson yfirhafnarvörður lagði fram tillögu að fjárhagsáætlun fyrir Hafnarsjóð Skagafjarðar. Niðurstöðutölur eru tekjur kr. 63.714.000.- og gjöld 56.878.400.- Tekjuafgangur 6.835.600.- Farið yfir tillögurnar. Samþykkt að skoða kostnað við flotbryggjur.

Sviðsstjóri gerði grein fyrir árlegri mælingu á stórstraumsfjöruborði norðan Sauðárkrókshafnar og því að talsverðar breytingar hafa átt sér stað frá síðustu mælingu sem gerð var í desember 2008. Þá upplýsti sviðsstjóri að óskað hafi verið eftir ríkisframlagi til dýptarmælinga í höfninni á vordögum 2011.

Erindi til umsagnar, vísað til nefndarinnar frá Skipulags- og byggingarnefnd sem bókaði eftirfarandi á fundi sínum 3. nóvember sl. "Hesteyri 1, umsókn um stöðuleyfi. Steingrímur Garðarsson kt. 2706282149 fh. Lundhöfða ehf 421106-2150 og Þorvaldur Steingrímsson kt. 080359-3739 sækja með bréfi dagsettu 28.10.2010, um leyfi til að flytja og staðsetja tímabundið, sumarhús á lóðina númer 1 við Hesteyri á Sauðárkróki. Húsið sem um ræðir er í byggingu á lóðinni númer 8-10 við Óseyrarbraut í Hafnarfirði. Fyrirhugað er að flytja húsið fokhelt og koma því fyrir á lóðinni númer 1 við Hesteyri og vinna þar að innri frágangi þess. Þaðan mun húsið verða flutt á lóð með landnúmerið 219626 sem skipt hefur verið út úr jörðinni Hellulandi. Skipulags- og byggingarnefnd samþykkir stöðuleyfi fyrir sitt leiti og vísar erindinu til umsagnar Umhverfis- og samgöngunefndar.? Umhverfis- og samgöngunefnd gerir ekki athugasemdir við erindið enda verði húsið fjarlægt innan sex mánaða eins og umsóknin ber með sér.

Hjálmar Steinar Skarphéðinsson, Stefán Valdimarsson, Steindór Árnason og Krókaleiðir/Þorvaldur Steingrímsson sækja um að fá úthlutað lóðinni nr. 3 við Lágeyri. Umhverfis- og samgöngunefnd gerir ekki athugasemd við erindið og vísar þvi til skipulags- og byggingarnefndar.

Vernharð Guðnason slökkviliðsstjóri fór yfir minnisblað dagsett 20.10.2010 þar sem farið er yfir fjármál, húsnæðismál og tækjabúnað Brunavarna Skagafjarðar. Einnig er þar farið yfir nýjar reglur um hlífðarbúnað slökkviliðsmanna og nýjar reglur um læknisskoðun og þrekpróf

Í framhaldi af bókun nefndarinnar á 61 fundi 1. október sl þar sem sviðsstjóra var falið að bjóða út hluta af þeim slætti á opnum svæðum sem garðyrkjudeildin hefur haft umsjón með lagði hann fram útboðsgögn varðandi málið og kynnti þau. Samþykt að auglýsa eftir tilboðum í slátt á opnum svæðum í samræmi við fyrirliggjandi gögn.

Helga Gunnlaugsdóttir garðyrkjustjóri lagði fram mannafla og tækjalista vegna verkefna næsta árs og fór yfir hann og helstu verkefni. Fjárhagsáætlun rædd í framhaldi af yfirferð Helgu. Áætla þarf kostnað á umhverfisverkefnin til að auvelda forgangsröðun þeirra við gerð fjárhagsáætlunar.

Sviðsstjóri fór yfir gjaldskrá sem í gildi er varðandi sorpurðun og sorphirðu í Skagafirði. Sviðsstjóra falið að endurskoða gjaldskrána m.t.t breyttra forsenda og nýs sorpurðunarstaðar við Stekkjavík.

Sviðsstjóri gerði grein fyrir hvernig snjómokstri á vegum í sveitarfélaginu verður háttað veturinn 2010-2011.

Lagt fram dreifibréf frá Fiskistofu, Árna Ísakssyni forstöðumanni lax- og silungsveiða þar sem athygli er vakin á breyttu lagaumhverfi (lög nr. 119/2009) og þeirri þýðingu sem þær hafa á framfylgni laganna varðandi framkvæmdir við ár og vötn.

Sviðsstjóri kynnti gildandisamninga við Vegagerðina varðandi veghald þjóðvega á Sauðárkróki og í Hofsósi vegna ársins 2010. Samþykkt að óska eftir fundi með svæðisstjóra vegagerðarinnar á norðvestursvæði um þjónustu vegagerðarinnar.

Umhverfis- og samgöngunefnd Sveitarfélagsins Skagafjörður leggur ríka áherslu á bættar vegasamgöngur í sveitarfélaginu. Sveitarfélagið er víðfeðmt og er atvinnusókn og öll þjónusta því verulega háð greiðum vegasamgöngum. Nefndin leggur því til við stjórnvöld að hraðað verði lögn bundinna slitlaga á helstu tengivegi í sveitarfélaginu. Í Vegáætlun til næstu tveggja ára er gert ráð fyrir óskiptri fjárveitingu til nýrra bundinna slitlaga í Norðvesturkjördæmi. Umhverfis- og samgöngunefnd leggur mikla áherslu á að hluta þessara fjármuna verði varið til áframhaldandi uppbyggingar á Skagafjarðarvegi (752), með lengingu bundins slitlags til framsveita sveitarfélagsins.

Hönnun endurbóta á Skagafjarðarvegi liggur fullbúin hjá Vegagerðinni og er verkefnið tilbúið til útboðs, enda var fjárveiting til verkefnisins á samgönguáætlun 2008-2012 sem áður var í gildi. Nefndin telur því rökrétt að framkvæmdir við Skagafjarðarveg verði í forgangi við úthlutun þess fjár, sem áður er getið til bundinna slitlaga í kjördæminu." Framangreindri bókun vísað til byggðarráðs.

Sviðsstjóri gerði grein fyrir þeim hlut Strandvegarins sem eftir er að koma í "endanlega" planlegu. Lagði fram kostnaðaráætlun vegna verksins. Lagt fram til kynningar.