Fréttir

Árshátíð yngri nemenda í Varmahlíðarskóla verður í Miðgarði föstudaginn 4. mars kl 15. Nemendur 1. - 6. bekkjar sýna leikritið um Hróa Hött eftir handriti Guðjóns Sigvaldasonar.

Ný heimasíða sveitarfélagsins fór í loftið síðastliðið sumar og nú hefur bæst við nýjung á síðuna til að auka þjónustuna við íbúana, ábendingargátt.

Ladies Circle klúbburinn á Sauðárkróki gaf í dag, hlaupársdag, þjónustuþegum og starfsfólki Iðjunnar nýja Ipad spjaldtölvu. Spjaldtölvuna notar fólkið í þjálfun og hugmyndavinnu í listsköpun svo fátt eitt sé nefnt og kemur tækið sér sérstaklega vel.

Um helgina verður vetrarhátíð á skíðasvæðinu í Tindastóli og verður opið til kl 21 í kvöld en kveiktur verður varðeldur og tónlistin mun óma um fjallið. Á morgun, laugardag, verður opið milli kl 11 og 16 og ýmislegt í boði. Skátarnir verða með þrautaleik, bátur frá Viking Rafting verður á staðnum ásamt Crazy Roller og nýtroðnum skíðabrautum.

Sveitarfélagið Skagafjörður ásamt Akrahreppi ákváðu í október s.l. að bregðast við brýnum vanda foreldra ungra barna í Varmahlíð vegna dagvistarmála. Sendi Sveitarfélagið frá sér fréttatilkynningu um málið í kjölfarið. Strax var farið í það að undirbúa framkvæmdir. Breytingar sem varð að gera á húsnæðinu urðu hins vegar umfangsmeiri en áætlað var í fyrstu og því ekki hægt að opna nýja deild eins fljótt og vonir stóðu til.

Veðurstofa Íslands er að vinna að hættumati á helstu vatnsföllum landsins. Hluti af því verkefni er að safna öllum tiltækum upplýsingum um söguleg flóð við nokkur vatnsföll landsins og þverár þeirra m.a. Héraðsvatna í Skagafirði.

Fiskistofa auglýsir eftir umsóknum byggðakvóta til fiskiskipa á grundvelli reglugerðar um úthlutun byggðakvóta til fiskiskipa nr. 605/ 2015 og á það ákvæði við Sveitarfélagið Skagafjörð

Sumarstarfsfólk óskast í þjónustumiðstöð á Sauðárkróki og Hofsósi og í garðyrkjudeild sveitarfélagsins.

Sveitarfélagið Skagafjörður leitar eftir kaupendum að „gamla barnaskólahúsinu“ við Freyjugötu á Sauðárkróki. Húsið, sem byggt er árið 1946, er um 910 fermetrar að stærð að meðtöldum leikfimisal sem er um 150 fermetrar að grunnfleti. Lóðin sem húsið stendur á er um 4.500 fermetrar.