Félags- og tómstundanefnd Svf. Skagafjarðar

Lagðar fram 9 beiðnir um fjárhagsaðstoð í 6 málum. Samþykktar. Tekið fyrir eitt erindi varðandi húsleigubætur þar sem staðfest var synjun afgreiðslunefndar húsaleigubóta. Sjá trúnaðarbók.

Félagsmálastjóra og formanni falið að skoða aðgerðir gegn kynbundnu ofbeldi sem þátt í jafrnéttisáætlun sveitarfélagsins.

Áætlunin lögð fram og vísað til gerðar fjárhagsáætlunar.

Áætlun um greiðslu sérstakra húsaleigubóta lögð fram og vísað til gerðar fjárhagsáætlunar. Sértakar húsaleigubætur hafa ekki verið greiddar fyrr hjá sveitarfélaginu en áætlun um þær tengist hugmyndum um breytt fyrirkomulag félagslegrar húsaleigu.

Frístundastjóri kynnir fyrstu drög að fjárhagsáætlun Frístundasviðs miðað við óbreytt þjónustustig og starfsmannahald.

Félags-og tómstundanefnd samþykkir tillögu að breyttum reglum við kjör á ungmennaráði Skagafjarðar þannig að hvert nemendaráð grunnskólanna þriggja tilnefni einn fulltrúa og einn varamann í ráðið og nemendaráð Fjölbrautaskóla tvo og einn til vara. Ungmennaráð verði skipað 5 aðalfulltrúum á aldrinum 14-18 ára, til árs í senn í stað tveggja ára . Tryggja skal það meginhlutverk ráðsins að vera sveitarstjórn til ráðgjafar um málefni ungs fólks. Miðað er við að nýtt ungmennaráð taki til starfa fyrir áramót.

Félags-og tómstundanefnd samþykkir að fela umsjónarmanni íþróttamannvirkja að kanna hagkvæmustu leiðina til að verja nýtt parketgólf í íþróttahúsinu á Sauðárkróki fyrir skemmdum sem kynnu að verða vegna skemmtanahalds í húsinu.

Félags-og tómstundanefnd samþykkir tillögur að reglum um auglýsingar í íþróttamannvirkjum og á keppnisvöllum Sveitarfélagsins Skagafjarðar sem byggðar eru á reglugerð ÍSÍ um auglýsingar. Nefndin samþykkir að körfuknattleiksdeild Tindastóls fái að setja auglýsingar í íþróttahúsinu á Sauðárkróki samkvæmt samningi þar um og byggður er á þessum reglum.

Umsjónarmaður íþróttamannvirkja kynnir aðsókn að sundlaugum sveitarfélagsins í sumar. Alls komu 64.452 gestir í laugarnar í Varmahlíð, Sauðárkróki og Hofsósi frá 1. júní - ágústloka. Flestir til Hofsóss. Aðsókn hefur dregist saman frá árinu 2010 um rúmlega fimm þúsund.

Kynnt er stefnumótun Mennta-og menningarmálaráðuneytisins í íþróttamálum..

Kynnt er könnun Rannsóknar og greiningar á lífsháttum barna í 5.-7.bekkjum á Íslandi.

Félags-og tómstundanefnd ásamt umsjónarmanni íþróttamannvirkja skoða sundlaugina á Hofsósi m.t.t. viðhalds og öryggismála. Nefndin beinir því til stjórnar Eignasjóðs að nú þegar verði gerðar viðeigandi ráðstafanir til að tryggja öryggi sundlaugargesta í búningsklefum og sturtum sundlaugarinnar.