Félags- og tómstundanefnd Svf. Skagafjarðar

Félags-og tómstundanefnd hefur ekki gert ráð fyrir þessum útgjöldum við fjárhagsáætlunargerð 2009 og vísar erindinu til Byggðaráðs til afgreiðslu.

Tilboð Stefnu kynnt. Nefndin felur Frístundastjóra að vinna málið áfram á grundvelli þess.Á símafundi nefndarinnar 2. apríl er samþykkt 600 þúsund króna styrkur á þeim þætti hönnunarinnar er snýr að skráningakerfi vegna Íþróttafélaga.

Tillögur Frístundasviðs um heildræna lausn á atvinnuleysi unglinga og ungmenna kynntar. Nefndin tekur undir tillögurnar og leggur til að unnið verði áfram að aðgerðaráætluninni í samræmi við ákvörðun Byggðaráðs frá 26.mars s.l.

Félags-og tómstundanefnd hafnar umsókninni og vísar erindinu til Markaðs-og þróunarsviðs.

Félags-og tómstundanefnd hafnar umsókninni og bendir á að slíkar ferðir falli undir skólastarf.

Félags-og tómstundanefnd samþykkir að styrkja framkvæmdir við skotvöllinn um 75.000.- á grundvelli þess að félagið hefur sinnt unglingastarfi með ýmsum hætti undanfarin ár.

Félags-og tómstundanefnd hafnar umsókninni á grundvelli samkeppnissjónarmiða.

Félags-og tómstundanefnd felur íþróttafulltrúa að fá ítarlegri upplýsingar um verkefnið. Á símafundi 2. apríl samþykkti nefndin samhljóða eftir fengnar upplýsingar um verkefnið að veita 400.000.- króna styrk til bátasmíði fyrir börn, enda njóti Sumar T.Í.M. þessa verkefnis einnig.

Félags-og tómstundanefnd óskar eftir því við Aðalstjórn Tindastóls að hún gefi umsögn um þessa styrkbeiðni og staðfestingu á að aðalstjórn hafi fjallað um beiðnina. Á símafundi 2. apríl samþykkti nefndin samhljóða eftir fengna umsögn frá aðalstjórn Tindastóls að veita styrk uppá 100.000.- til sérstakst átaks til útbreiðslu körfuknattleiksiðkunar unglinga .

Félags-og tómstundanefnd óskar eftir því við Aðalstjórn Tindastóls að hún gefi umsögn um þessa styrkumsókn og staðfestingu á að aðalstjórn hafi fjallað um beiðnina.
Á símafundi 2. apríl samþykkti nefndin samhljóða eftir fengna umsögn frá aðalstjórn Tindastóls að veita styrk uppá 75.000.- til að efla knattspyrnuiðkun unglingsstúlkna í forvarnaskyni. Jafnframt er íþróttahreyfingunni bent á möguleika á að leita styrkja fyrir sambærilegt uppbyggingastarf til Evrópuverkefna , Evrópu unga fólksins.

Alls bárust 9 umsóknir að upphæð 3.790.000.- til umráða á gjaldaliðum 06890-09935, styrkjum til íþróttamála er 1,0 milljón og 06390, styrkjum til æskulýðs-og forvarnamála eru 300.000-
Frístundastjóra er falið að ganga til samninga við Golfklúbb Sauðárkróks um slátt á íþróttavöllum á Sauðárkróki,við Neista um slátt og umsjón á vellinum á Hofsósi og Léttfeta og Svaða um rekstur sinna valla.

Á símafundi sem haldinn var 02.04.09 kl: 12:00 úthlutaði Félags og tómstundanefnd styrkjum að upphæð 1.000.000 kr. af gjaldalið 06890 - 09935 og 250.000 kr. af gjaldalið 06390 - 09915

Lagðar fram og samþykktar þrjár umsóknir um fjárhagsaðstoð.
Rætt um aðstoð við greiðslu meðferðarkostnaðar í framhaldsmeðferð hjá SÁÁ, en þar hefur verið tekin upp gjaldtaka af sjúklingum. Nefndin telur rétt að sveitarfélagið geti veitt fólki stuðning við að greiða þennan kostnað á grundvelli einstaklingsbundins mats á aðstæðum.
Kynnt umsókn um milliflutning í félagslegt leiguhúsnæði.

Félags-og tómstundanefnd samþykkir tillögu stjórnar UMSS um úthlutun styrkja að upphæð 10.000.000 króna til íþróttahreyfingarinnar af gjaldalið 06890-09925. 80% upphæðarinnar er skipt núna og 20% eftir nánari útlistun stjórnar UMSS. Greitt verður út mánaðarlega, í fyrsta sinn frá 1.janúar 2009.
UMF Tindastóll, rekstrarstyrkur 4.755.360.-
UMF Neisti, rekstrarstyrkur 528.000.-
UMF Smári, rekstrarstyrkur 689.040.-
UMF Hjalti, rekstrarstyrkur 158.400.-
Hestamannafélagið Léttfeti, rekstrarstyrkur 419.760.-
Hestamannafélagið Stígandi, rekstrarstyrkur 277.200.-
Hestamannafélagið Svaði, rekstrarstyrkur 190.080.-
Vélhjólaklúbbur Sauðárkróks, rekstrarstyrkur 182.160.-
UMSS, rekstrarstyrkur 800.000.-
Samtals kr. 8.000.000.-
Íþróttafulltrúa er falið að innkalla þær ársskýrslur íþróttafélaga sem ekki hafa borist enda eru þær forsendur fyrir útborgun styrkja.

Kynnt erindi frá KSÍ þar sem vakin er athygli á breytingu á lögum um virðisaukaskatt sem hefur það í för með sér að á tímabilinu 1. mars 2009 til 1. janúar 2011 skuli endurgreiða byggjendum húseigna í eigu sveitarfélaga allan virðisaukaskatt sem þeir hafa greitt af vinnu manna á byggingarstað.

Kynnt erindi frá samtökum sundstaða á Íslandi þar sem það er brýnt fyrir sveitarfélögum að standa vörð um rekstur sundstaða, draga ekki úr eftirliti og öryggiskröfum.

Kynnt erindi UMFÍ þar sem auglýst er eftir mótshaldara fyrir unglingalandsmótið 2011. Félags-og tómstundanefnd telur ekki ástæðu til að sækja um þetta mót þar sem unglingalandsmót verður haldið á Sauðárkróki nú í sumar.

Kynntar niðurstöður könnunar Forvarnardagsins þar sem fram kemur m.a. að ungmenni vilja helst samveru með fjölskyldu bæði í útiveru, ferðalögum, íþróttum og heima við. Bent er á að sveitarfélög geta með stefnu sinni og aðgerðum brugðist við þessum einföldu óskum þeirra. Frístundastjóri kynnir að fyrirhugað sé að gera fjórðu lífsháttakönnunina í næsta mánuði. Hinar fyrri voru gerðar í 8.-10.bekkjum grunnskóla sveitarfélagsins árin 2005,2006, 2008. Niðurstöður munu liggja fyrir á vordögum.

Kynnt er niðurstaða valnefndar Evrópu unga fólksins sem ákvað á fundi sínum 23.3.s.l. að styrkja umsókn Húss frítímans vegna verkefnisins: Peace4life. Styrkurinn nemur að hámarki ? 37.715.- Einnig fékk verkefnið styrk frá Menningarráði Norðurlands vestra, 250.000.-
Verkefnið nær til 5 landa,Íslands (Skagafjarðar), Litháens, Tyrklands, Finnlands og Möltu og hefst 1. maí.
Félags-og tómstundanefnd þakkar stuðninginn og starfsfólki Húss frítímans frumkvæði að gerð verkefnisins.

Samþykkt að framlengja samning við Júlíus Þórðarson og Rósu Adolfsdóttur fyrir árið 2009.

Samþykkt að framlengja samning við Júlíus Þórðarson og Rósu Adolfsdóttur fyrir árið 2009.

Samþykkt að veita bráðabirgðaleyfi til daggæslu 4 barna skv. reglugerð.