Fréttir

Blóðbankabíllinn verður á Sauðárkróki næstkomandi miðvikudag og fimmtudag 30. og 31. ágúst. Bíllinn verður staðsettur við Skagfirðingabúð eins og vanalega og stendur blóðsöfnun yfir kl 12-17 á miðvikudeginum og 9-11:30 á fimmtudeginum.

Af óviðráðanlegum örsökum verður opnunartími sundlaugarinnar á Hofsósi styttur á virkum dögum frá og með morgundeginum 23. ágúst. Sundlaugin verður opin frá kl 11-19 alla virka daga frá 23. - 31. ágúst en opið um helgina kl 7-21 þ.e. 26. og 27. ágúst.

Sundlaugin í Varmahlíð verður lokuð dagana 23.-27. ágúst meðan verið er að hreinsa laugina. Laugin opnar aftur mánudaginn 28. ágúst og hefst þá vetraropnun.

Næsti fundur Sveitarstjórnar Sveitarfélagins Skagafjarðar verður haldinn miðvikudaginn 6. september 2017 kl. 16:15 að Sæmundargötu 7a.

Það verður mikið um að vera laugardaginn 19. ágúst í Skagafirði þegar hin árlega Sveitasæla fer fram í reiðhöllinni Svaðastöðum og Skagfirðingar fagna komu Drangeyjar SK 2- nýjum togara Fisk Seafood. Einnig verða opin bú á sunnudeginum í tengslum við Sveitasæluna.

Af óviðráðanlegum örsökum verður sundlaugin á Hofsósi með styttri opnunartíma um helgina, dagana 19. og 20. ágúst, eða frá kl 11-19. Annars er laugin opin alla daga kl 7-21.

Um 100% starf er að ræða sem skiptist í 85% skólaliða (með ræstingu) og 15% starfsmaður í skóla með stuðning.

Árlegur fræðsludagur leik–, grunn-, og tónlistarskóla Skagafjarðar var haldinn í Menningarhúsinu Miðgarði í Varmahlíð sl. þriðjudag og er þetta í áttunda sinn sem þessi dagur er haldinn.

Endurreikningi afsláttar á fasteignaskatt vegna ársins 2017 hjá Sveitarfélaginu Skagafirði er lokið. Við álagningu fasteignagjalda í janúar s.l. var tilkynnt að inneign eða skuld gæti myndast við endanlegan útreikning á afslætti vegna fasteignaskatts, á íbúðum elli- og örorkulífeyrisþega. Samtals fengu 181 fasteignaeigendur lækkun á fasteignaskatt þetta árið, að upphæð 6,9 milljónir króna samtals.