Fréttir

Leikskólinn Ársalir auglýsir 100% stöðu leikskólakennara tímabilið 1. janúar 2018 - 15. febrúar 2018 lausa til umsóknar.

Í tilefni af Alþjóðadegi fatlaðs fólks 3. desember næstkomandi verður opið hús í Iðju við Sæmundarhlíð mánudaginn 4. desember frá kl 10-15. Góður gestur kemur og skemmtir kl 14 og í boði verður jólate ,,iðjusamra'' ásamt meðlæti.

Fundur verður haldinn í sveitarstjórn Sveitarfélagsins Skagafjarðar miðvikudaginn 29. nóvember kl. 10:00

Um 100% framtíðarstarf er að ræða frá 1. janúar 2018 eða eftir samkomulagi. Starfið hentar konum jafnt sem körlum.

Um 85% framtíðarstarf er að ræða frá og með 18. desember 2017 eða eftir samkomulagi. Starfsmaður sinnir almennum verkefnum bókavarðar; afgreiðir bækur og önnur gögn, raðar í hillur, merkir og plastar bækur og leiðbeinir viðskiptavinum um safnkost.

Svæðisfundur fyrir verkefnið Arctic Coast Way eða Norðurstandarleið var haldinn á Sauðárkróki miðvikudaginn 22. nóvember. Markmið fundarins var að draga fram það besta sem Skagafjörður hefur upp á að bjóða þegar kemur að gönguleiðum, ströndum, miðnætursólarstöðum og norðurljósastöðum. Þeir sem ekki gátu mætt á fundinn en vilja koma tillögum á framfæri geta gert það til og með 15. desember nk.

Nú er úti veður vont og á það við í Skagafirði þessa stundina og fer versnandi ef spár ganga eftir þegar líður á daginn. Sundlaugin og íþróttamiðstöðin í Varmahlíð loka kl 14 í dag og engir skólabílar gengu á svæði Varmahlíðarskóla í morgun og eru þeir nemendur sem mættu farnir heim. Árshátíð yngri nemenda skólans sem vera átti kl 16 í dag er frestað um viku.

Íbúafundur var haldinn í fundarsal sveitarfélagsins í Húsi frítímans í gær, 21. nóvember, um verkefnið verndarsvæði í byggð þar sem kynnt var tillaga að verndun gamla bæjarins á Sauðárkróki.

Sveitarstjórn hefur samþykkt nýja og endurskoðaða Stefnu og viðbragðsáætlun Sveitarfélagsins Skagafjarðar gegn einelti, ofbeldi, kynferðislegri og kynbundinni áreitni. Allt starfsfólk Sveitarfélagsins Skagafjarðar á rétt á að komið sé fram við það af virðingu og umhyggju. Sveitarfélagið Skagafjörður tekur skýra afstöðu gegn einelti, kynferðislegri áreitni, kynbundinni áreitni og ofbeldi.