Fréttir

Kennsla í leik- og grunnskólum í Skagafirði verður með eðlilegum hætti á morgun, fimmtudag, ef rafmagn verður komið á. Foreldrar og forráðamenn eru hvattir til að fylgjast með tilkynningum í fyrramálið.

Vegna veðurs og skömmtunar á rafmagni í Skagafirði verður ráðhús sveitarfélagsins lokað  fram eftir degi, miðvikudaginn 11. desember. Verður staðan metin aftur um hádegisbil.

Vegna veðurs og slæmrar veðurspár verður ráðhús sveitarfélagsins á Sauðárkróki lokað frá kl 14 í dag þriðjudaginn 10. desember.

Allt skólahald fellur niður í leik- og grunnskólum í Sveitarfélaginu Skagafirði í dag, þriðjudag og á morgun, miðvikudag. Þá verða öll íþróttamannvirki í sveitarfélaginu einnig lokuð í dag og á morgun. Útlit er fyrir hið versta veður og biðlar lögreglan á Norðurlandi vestra til fólks að halda sig heima. 

Öll íþróttamannvirki í Skagafirði verða lokuð á morgun, þriðjudag, vegna veðurs. Þá fellur allt skólahald niður í grunn- og leikskólum í Sveitarfélaginu Skagafirði. Einnig fellur skólahald niður í Fjölbrautaskóla Norðurlands vestra. Verður staðan skoðuð á morgun hvort lokanir verði einnig á miðvikudag. Fólk er hvatt til að sýna aðgát í veðrinu á...

Fundur verður haldinn í Sveitarstjórn Sveitarfélagins Skagafjarðar miðvikudaginn 11. desember 2019 kl. 16:15 að Sæmundargötu 7.

Starf sviðsstjóra veitu- og framkvæmdasviðs er laust til umsóknar hjá Sveitarfélaginu Skagafirði. Á veitu- og framkvæmdasviði starfa um 25 manns að fjölbreyttum verkefnum; hita- og vatnsveitu, viðhaldi- og nýbyggingu fasteigna, gatnagerð, fráveitu, umhverfis- og hreinlætismálum o. fl.

Félag ferðaþjónustunnar í Skagafirði stóð nýverið fyrir ljósmyndasamkeppninni Skagafjörður með þínum augum. Í keppnina barst fjöldi mynda og var myndefnið fjölbreytt. Veitt voru verðlaun í fimm flokkum og varð niðurstaðan eftirfarandi: 1. Mannlíf: Messa í Ábæjarkirkju, höfundur Katrín Magnúsdóttir. 2. Listrænt: Ernan úr lofti, höfundur Norbert Ferencson. 3. Ljós í myrkri: Grafarkirkja, höfundur Norbert Ferencson. 4. Hestar: Hestur að sprella, höfundur Christoph Dorsch. 5. Landslag: Sólsetur, höfundur Einar Gíslason.

Byggðasafn Skagfirðinga auglýsir starf deildastjóra fornleifadeildar laust til umsóknar.Óskað er eftir öflugum og metnaðarfullum einstaklingi sem er reiðubúinn að hafa yfirumsjón með rannsóknarstarfsemi Byggðasafns Skagfirðinga á sviði fornleifafræði, í samstarfi við safnstjóra og í samræmi við stofnskrá safnsins og samþykkta safnstefnu. Um er að...