Fréttir

Á síðasta fundi umhverfis- og samgöngunefndar Sveitarfélagsins Skagafjarðar sem haldinn var þann 2. febrúar síðastliðinn var m.a. kynnt skýrsla sem nefnd á vegum Umhverfis- og auðlindaráðuneytisins tók saman um forsendur fyrir stofnun þjóðgarðs á miðhálendi Íslands.

Garðyrkjudeild Sveitarfélagsins Skagafjarðar auglýsir tímabundna stöðu garðyrkjufræðings lausa til umsóknar.

Garðyrkjudeildin auglýsir 3 tímabundin störf laus til umsóknar. Umsóknarfrestur er til og með 25. febrúar 2018.

Garðyrkjudeild Sveitarfélagsins Skagafjarðar leitar eftir ábyrgðarfullum, jákvæðum og sveigjanlegum einstaklingum. Lögð er áhersla á gagnkvæma virðingu, frumkvæði, lipurð í mannlegum samskiptum, háttvísi og stundvísi.

Nú er framundan vetrarfrí í grunnskólum Skagafjarðar og breytist því opnunartími sundlaugarinnar í Varmahlíð 15. - 17. febrúar næstkomandi. Á fimmtudaginn er opið kl 16-21, lokað á föstudaginn og opið kl 10-15 laugardaginn 17. febrúar.

Tímabil starfs er frá 1. mars til 26. ágúst með möguleika á áframhaldandi ráðningu. Starfið felst m.a. í öryggisgæslu við sjónvarpsskjá og laug, auk eftirlits með öryggiskerfum, afgreiðsla og baðvarsla.

Á degi leikskólans 6. febrúar síðastliðinn hófst forvarnarverkefni gegn einelti í leikskólanum Tröllaborg með skemmtilegri heimsókn þar sem bangsinn Blær kom upp úr kössum bæði á Hofsósi og Hólum. Á kössunum var kort af Íslandi og leikskólinn merktur inn á kortið.

Vegna vinnu við heitavatnslögn þarf að grípa til tímabundinnar lokunar á Sundlaug Sauðárkróks í dag þriðjudaginn 6. febrúar og er laugin því lokuð eins og er. Ef allt gengur vel verður hugsanlega opnað aftur um kvöldmatarleytið í dag. Upplýsingar um opnunina verða birtar á facebook síðu sveitarfélagsins.

Sveitarfélagið Skagafjörður hefur tekið ákvörðun um að bleikjueldisstöð Öggurs ehf að Kjarvalsstöðum í Hjaltadal sé ekki líkleg til að hafa í för með sér umtalsverð umhverfisáhrif sbr. viðmið í 2. viðauka við lög nr. 106/2000. Því skal framkvæmdin ekki háð mati á umhverfisáhrifum.