Fréttir

Varmahlíðarskóli tryggði sér þátttökurétt í lokakeppni Skólahreystis þegar sprækir krakkar úr skólanum sigruðu undankeppnina sem haldin var á Akureyri 29. mars sl. Grunnskólinn austan Vatna lenti í öðru sæti.

Nemendur Grunnskólans austan Vatna á Hólum og Sólgörðum halda sínar árshátíðir um helgina, Á Hólum í dag föstudaginn 31. mars með sýningu á Línu Langsokk og á Sólgörðum á morgun 1. apríl.

Sveitarfélagið Skagafjörður leitar að metnaðarfullum og áhugasömum einstaklingi sem vill þróa og leiða breytingar í þjónustu og starfsemi í búsetu fyrir fatlað fólk á Blönduósi. Forstöðumaður er einn af millistjórnendum fjölskylduþjónustu Sveitarfélagsins Skagafjarðar.

Jón Pálmason, nemandi í Árskóla sigraði í dag Stóru upplestrarkeppnina sem haldin var í sal Fjölbrautaskóla Norðurlands vestra. Þar öttu kappi 12 nemendur úr öllum grunnskólum Skagafjarðar. Í öðru sæti hafnaði Íris Helga Aradóttir úr Árskóla og í þriðja sæti Einar Kárason úr Varmahlíðarskóla.

Framlengdur hefur verið umsóknarfrestur vegna sumarstarfs í þjónustumiðstöðinni á Hofsósi.

Sveitarfélagið Skagafjörður býður starfsmönnum sínum upp á þrjú námskeið nú í vor og eru námskeiðin haldin á mismunandi tímum svo flestir geti átt þess kost að nýta sér þau. Námskeiðin eru þátttakendum að kostnaðarlausu og eru þau hluti af fræðsluáætlun sveitarfélagsins.

Leikskólinn Ársalir auglýsir eftir sumarstarfsmönnum á tímabilinu 1. júní - 15. ágúst 2017.

Rúmlega 50 unglingar frá Félagsmiðstöðinni Friði í Skagafirði halda til Reykjavíkur í dag á SamFestinginn, stærstu unglingaskemmtun landsins. Rannveig Sigrún Stefánsdóttir mun keppa fyrir hönd Friðar á Söngkeppni Samfés á morgun og hefst bein útsending á RÚV kl. 13:00.

Sveitarfélagið Skagafjörður veitti styrk til þess að haldið yrði tveggja daga spjaldtölvunámskeið fyrir eldri borgara í Skagafirði. Námskeiðið hófst í gær og er samvinnuverkefni Félags eldri borgara í Skagafirði, Húss frítímans og Farskólans.