Umsóknir um leikskólapláss í leikskólann Ársali á Sauðárkróki þurfa að berast fyrir 1. maí næstkomandi til að koma barni að í aðlögun haustið 2017. Sótt er um í íbúagátt Sveitarfélagsins Skagafjarðar.
Sveitarfélagið hefur samþykkt 20% hækkun á niðurgreiðslum og reglur sem tryggja dagforeldrum niðurgreiðslur sem svarar þremur börnum kr. 64.922,- á mánuði vegna þriggja barna í 11 mánuði á ári. Þetta er gert með það að markmiði að auka atvinnuöryggi dagforeldra.
Á síðasta fundi sveitarstjórnar Sveitarfélagsins Skagafjarðar, þann 12. apríl síðastliðinn, var samþykkt að auglýsa tillögu að deiliskipulagi fyrir sundlaugar- og íþróttasvæðið við Skagfirðingabraut á Sauðárkróki. Tillagan felur í sér gerð deiliskipulags fyrir svæðið og nánasta umhverfi þess með það að markmiði að fá fram heildstætt skipulag.