Fréttir

Fjölskyldusvið Sveitarfélagsins Skagafjarðar hvetur íbúa sveitarfélagsins, bæði börn og fullorðna, til að taka virkan þátt í Lestrarverkefninu Tími til að lesa sem Mennta- og menningarmálaráðuneyti hleypti af stokkunum í gær. Í verkefninu er gert ráð fyrir að þátttakendur skrái allan sinn lestur á vefsíðunni timitiladlesa.is

Næsti fundur sveitarstjórnar Sveitarfélagins Skagafjarðar verður haldinn miðvikudaginn 1. apríl 2020 kl.16:15 með fjarfundabúnaði.

Ný Menntastefna Skagafjarðar hefur nú verið gefin út og tekið gildi. Vinna við mótun menntastefnunnar hefur staðið yfir í u.þ.b. eitt ár. Menntastefnan var unnin í samstarfi leik-, grunn- og Tónlistarskóla Skagafjarðar, Fjölbrautaskóla Norðurlands vestra, Frístundar og Fræðsluþjónustu Skagfirðinga. Alls hafa um 910 einstaklingar komið að mótunarferlinu, nemendur allra skólastiga, starfsfólk skóla/frístundar, starfsfólk fræðsluþjónustu, kjörnir fulltrúar í fræðslunefnd ásamt þátttakendum á íbúafundum.

Nýlega gáfu Sveitarfélagið Skagafjörður og Félag Ferðaþjónustunnar í Skagafirði út nýtt Skagafjarðarkort. Er Skagafjarðarkortinu ætlað að sameina Skagafjarðarbæklinginn og afrifukort af Skagafirði, sem hefur verið gefin út undanfarin ár, í eitt öflugt kort fyrir ferðamenn þar sem allar helstu upplýsingar um Skagafjörð er að finna. Kortið sýnir þá áhugaverðu staði, þjónustu og afþreyingu sem Skagafjörður hefur upp á að bjóða fyrir ferðamenn.

Hús frítímans er nú með í gangi rafræna opnun fyrir krakkana í 8.-10. bekk í Skagafirði. Rafræn opnun fer fram í lokuðum hóp á Instagram þar sem hver bekkur hefur sinn hóp. Krakkarnir fá send til sín verkefni sem þau eiga að leysa og fá stig fyrir. Meðal verkefna sem þau hafa verið að leysa þessa vikuna eru hreyfing í 30 mínútur á dag, TikTok...

Þrátt fyrir miklar raskanir á daglegu lífi flestra íbúa Skagafjarðar í kjölfar samkomubanns, sem nú hefur staðið yfir í 12 daga, þá gengur starfsemi flestra stofnana og fyrirtækja nokkuð vel fyrir sig hér á svæðinu.

Á fundi sveitarstjórnar Sveitarfélagsins Skagafjarðar í morgun var samþykkt tillaga byggðarráðs þess efnis að vegna þeirra raskana sem orðið hafa á þjónustu stofnana sveitarfélagsins vegna COVID-19 veirunnar muni greiðsluhlutdeild einungis ná til þeirrar þjónustu sem raunverulega er nýtt í þjónustu stofnana sveitarfélagsins. Á þetta við um...

Að gefnu tilefni vekja lögreglustjórinn og almannavarnanefndir á Norðurlandi vestra athygli á því að reglur um sóttkví gilda líka um þá sem kjósa að dvelja í sumarhúsi á meðan á sóttkví stendur. Einstaklingar í sóttkví mega ekki fara út fyrir sumarhúsið nema brýna nauðsyn beri til. Einstaklingar í sóttkví mega ekki fara sjálfir eftir aðföngum,...

Í ljósi atburða síðustu daga og vikna er varðar heimsfaraldur Covid-19 er ljóst að útbreiðsla veirunnar gæti orðið til þess að valda erfiðleikum í veitingu þjónustu og skapað álag á vissum starfstöðvum. Við slíkar aðstæður er brýnt að tryggja lögbundna þjónustu og aðstoð til viðkvæmustu hópanna. Því hefur Félags- og barnamálaráðherra í samvinnu...