Fréttir

Bryndís Guðmundsdóttir talmeinafræðingur færði fræðslusviði Sveitarfélagsins Skagafjarðar veglega gjöf til allra leikskóla í Skagafirði á dögunum. Bryndís hefur starfað á Íslandi í rúmlega 30 ár sem talmeinafræðingur og hefur m.a. gefið út námsefni undir heitinu, Lærum og leikum með hljóðin, sem ætlað er öllum barnafjölskyldum og skólum....

Sveitarstjórn Sveitarfélagsins Skagafjarðar hefur samþykkt að auglýsa tillögu að deiliskipulagi tengivirkis í Varmahlíð sem hefur fengið meðferð í samræmi við 4. mgr. 40. greinar skipulagslaga nr. 123/2010. Tengivirkið er á lóðinni Reykjarhóll lóð landnúmer 146062. Deiliskipulagið er fyrir nýtt 66 kV tengivirki sem mun taka við hlutverki 66 kV hluta tengivirkis á lóðinni sem lagt verður niður í kjölfarið.

Sveitarstjórnarfundur verður haldinn þann 21. ágúst 2019 að Sæmundargötu 7 og hefst hann kl. 16:15

Árlegur fræðsludagur skólanna í Skagafirði var haldinn í Miðgarði í gær, 15. ágúst. Dagur þessi markar upphaf nýs skólaárs og er helgaður faglegu starfi þeirra. Dagurinn er einnig vettvangur skólafólks til að kynna og fjalla um ýmis starfsþróunar- og nýbreytniverkefni sem starfsfólk skólanna vinnur að og er jafnframt vettvangur allra starfsmanna...

Sirrý Sif Sigurlaugardóttir félagsráðgjafi MA hefur verið ráðin til starfa hjá fjölskyldusviði.

Það verður gleði og fjör í Fljótunum um Verslunarmannahelgina, en þá fara fram Félagsleikar Fljótamanna, samveru- og sveitahátíð af gamla skólanum. Fjörið byrjar í kvöld, föstudagskvöld, á flatbökuveislu á Sólgörðum og kl. 21 verða tónleikar með hljómsveitinni Sérfræðingar að sunnan í Félagsheimilinu Ketilási þar sem leikin verður geðgóð...

Nokkur störf eru laus til umsóknar hjá sveitarfélaginu, leikskólakennarar og matráður á leikskólanum Ársölum, grunnskólakennari á Hofsósi, verkefnastjóri Vinaliðaverkefnisins og starfsmaður á heimilið við Skúlabraut á Blönduósi. Um er að ræða framtíðarstörf og einnig afleysingar.

Á fundi byggðarráðs þann 24. júlí síðastliðinn var samþykkt umsókn Landsnets um framkvæmdaleyfi fyrir lagningu tveggja 66 kV jarðstrengja. Um er að ræað Sauðárkrókslínu 2, um 23 km langan jarðstreng milli Varmahlíðar og Sauðárkróks, og Sauðárkrókslínu 1, 1,2 km jarðstrengur milli fyrirhugaðs tengivirkis við Borgarteig 10b á Sauðárkróki og núverandi tengivirkis ofan við Kvistahlíð.

Næstu vikurnar mun fara fram tæming rotþróa í Skagafirði á vegum sveitarfélagsins. Í ár er það svæðið frá og með Hegranesi og að Fljótum sem um ræðir.