Fréttir

Fjárhagsáætlun Sveitarfélagsins Skagafjarðar fyrir árin 2017-2020 var samþykkt með sjö atkvæðum við síðari umræðu á fundi sveitarstjórnar 14. desember s.l. Bjarni Jónsson (Vg og óháðir) og Sigurjón Þórðarson (K-listi) bókuðu að þeir sætu hjá við atkvæðagreiðsluna.

Starfið er laust frá byrjun janúar 2017 til maíloka 2017, með möguleika á þriggja mánaða lengingu eða til lok ágústs 2017.

Um 100% starf er að ræða frá byrjun janúar 2017 til og með miðjum febrúar 2017.

Líða fer að jólum segir í góðum dægurlagatexta og nú er komin fjórða helgin í aðventunni. Í dag er einmitt síðasti dagurinn til að koma jólakortum í B-póst innanlands, A-póst til Evrópu og jólapökkum til vina og ættingja á Norðurlöndunum.

Hin árlega jólavaka nemenda Grunnskólans austan Vatna verður haldin í félagsheimilinu Höfðaborg á Hofsósi kl. 20:30 í kvöld.

Síðasti verkfundur vegna hitaveitu í Fljótum fór fram í síðustu viku og því má segja að verkinu sé nú lokið með formlegum hætti. Verkinu var skipt á tvö ár, 2015 og 2016, og lagði verktakinn, Steypustöð Skagafjarðar, lokahönd á síðustu heimæðar í Fljótunum í október síðastliðinn segir á heimasíðu Skagafjarðarveitna.

Um mánaðarmótin október / nóvember hófst vinna við lagningu ljósleiðara á Langholti og í Sæmundarhlíð, nánar tiltekið á svæðinu frá Varmahlíð að Marbæli auk Sæmundarhlíðar.

Dagur Þór Baldvinsson hefur verið ráðinn í stöðu yfirhafnarvarðar. Alls sóttu 7 um starfið.

Frá og með 1. janúar 2017 munu sveitarfélögin ekki lengur sjá um greiðslu húsaleigubóta og er þeim sem rétt eiga á slíkum bótum bent á að sækja um hjá Greiðslustofnun húsnæðisbóta, www.husbot.is. Sérstakar húsaleigubætur verða áfram hjá sveitarfélögunum.