Fréttir

Síðastliðinn föstudag voru settar upp tvær nýjar vefmyndavélar við smábátahöfnina á Sauðárkróki. Vélarnar sýna yfir höfnina þannig að hægt er að fylgjast með bátunum í höfninni.

Fundur verður haldinn í Sveitarstjórn Sveitarfélagsins Skagafjarðar þriðjudaginn 20. september 2016 kl. 16:15 að Sæmundargötu 7a.

Um þessar mundir eru fjölmörg störf auglýst laus til umsóknar í Skagafirði. Vinnumálastofnun auglýsir eftir öflugum starfsmönnum í áhugaverð og fjölbreytt störf á nýrri þjónustuskrifstofu húsnæðisbóta sem mun sjá um afgreiðslu og útborgun húsaleigubóta í samræmi við ný lög um húsnæðisbætur.

Fulltrúar Sveitarfélagsins Skagafjarðar og Landhelgisgæslu Íslands undirrituðu á dögunum samkomulag um hafnarþjónustu fyrir varðskip Landhelgisgæslunnar á Sauðárkróki. Samkomulagið kveður á um að Landhelgisgæslunni verði veitt öll nauðsynleg þjónusta fyrir varðskip stofnunarinnar á Sauðárkróki um lengri eða skemmri tíma, þ.m.t. hafnaraðstöðu, aðgang að heitu og köldu vatni, aðgang að rafmagni og losun á sorpi.

Sveitarfélagið Skagafjörður hefur opnað afgirt geymslusvæði á Hofsósi, norðan áhaldahúss. Þar geta menn leigt pláss fyrir tæki og tól sem þarfnast geymslu.

Fjölskylduþjónusta Skagafjarðar auglýsir 94% starf á sambýlinu Fellstúni laust til umsóknar. Um framtíðarstarf er að ræða.

Fjölskylduþjónusta Skagafjarðar auglýsir lausa stöðu sjúkraliða vegna afleysinga í Dagdvöl aldraðra. Um 77% tímabundið starf er að ræða og unnið er á dagvinnutíma. Ef ekki fæst sjúkraliði til starfa þá verður annar ráðinn. Æskilegt er að starfsmaður geti hafið störf sem fyrst.

Fjölskylduþjónusta Skagafjarðar auglýsir laust starf í liðveislu. Æskilegt er að viðkomandi geti hafið störf sem fyrst. Um framtíðarstarf er að ræða.

Fimmtudaginn 8. september er alþjóðlegi bókasafnsdagurinn en hann er haldinn til að vekja athygli á mikilvægi bókasafna í samfélaginu og einnig fyrir starfsfólk safna til að gera sér dagamun.