Fréttir

Unglingalandsmótið verður á Sauðárkróki um verslunarmannahelgina og er mótaskráin aðgengileg á vef UMFÍ. Í skránni eru allar upplýsingar um dagskrá, afþreyingu og opnar greinar sem ekki þarf að skrá sig í og alla þá viðburði sem í boði eru en keppt verður í 18 greinum.  Einnig er kort af Sauðárkróki með upplýsingum um staðsetningu keppnisgreina og viðburða  og auglýsingar styrktaraðila og þeirra fjölmörgu bakhjarla sem styðja við mótið þetta árið.  Þetta er skráin sem þátttakendur og gestir Unglingalandsmótsins geta haft gagn af að hafa í vasanum og símanum á meðan á móti stendur. 

Byggðarráð Skagafjarðar samþykkti á 57. fundi sínum þann 31. júlí síðastliðinn að auglýsa skipulagslýsingar um gerð deiliskipulags, fyrir Borgargerði 4 í Borgarsveit og Sólheima 2 í Blönduhlíð, samkvæmt 3. mgr. 40 gr. skipulagslaga nr. 123/2010. Sveitarstjórn samþykkti á

Nú er verslunarmannahelgin framundan og unglingalandsmót UMFÍ verður haldið á Sauðárkróki um helgina. Athygli er vakin á breyttum opnunartíma í Sundlaug Sauðárkróks á laugardegi og sunnudegi. Keppt verður í sundi á laugardagsmorgninum og opnar laugin kl 13:00 þann daginn og opið verður lengur á sunnudeginum eða til kl 20:00. Opnunartími í Varmahlíðarlaug lengist og er opið til kl 18:00 á laugardegi og sunnudegi. Opið verður í Sólgarðalaug á mánudeginum en opnunartími í sundlauginni á Hofsósi er sá sami frá 9:00 til 21:00. Við viljum einnig vekja athygli á að hluta Skagfirðingabrautar verður lokað, frá Öldustíg að innkeyrslu við bílastæði Árskóla, föstudag, laugardag og sunnudag, 4.-6. ágúst, milli kl 8:00 og 18:00 vegna unglingalandsmótsins.

Guðrún Ösp Hallsdóttir þroskaþjálfi hefur verið ráðin í starf forstöðumanns Iðju – hæfingar, þjónustu við fatlað fólk á Sauðárkróki. Guðrún Ösp tekur við starfinu af Jónínu G. Gunnarsdóttur iðjuþjálfa sem lét nýlega af störfum. Forstöðumaður starfar á fjölskyldusviði og kemur að skipulagi og samþættingu þjónustu við fatlað fólk á sameiginlegu þjónustusvæði á Norðurlandi vestra.

Af gefnu tilefni minnum við á að jarðvegstippurinn sunnan við leikskólann Ársali á Sauðárkróki er einungis ætlaður til að losa sig við jarðveg, garðaúrgang og smærri greinar. Steypuúrgangur og stórar greinar eiga að fara í gryfjurnar við Gránumóa og annað sorp í Flokku. Ef komið er með garðaúrganginn í plastpokum á að losa úr pokunum og taka þá með sér aftur.

Félagsleikar Fljótamanna verða haldnir í Fljótum um helgina í þriðja sinn. Félagsleikarnir eru samveruhátíð íbúa og hollvina Fljóta, sannkölluð hæglætishátíð. Hátíðin fer fram í félagsheimilinu Ketilási og víðar í Fljótum og hefst í kvöld á íslandsmóti í félagsvist á Ketilási.  Dagskrá Félagsleikanna er eftirfarandi: Föstudagur 14....

Nú standa yfir lagfæringar á veginum í Austurdal, frá Stekkjarflötum að Merkigilinu. Vegurinn skemmdist illa í vatnavöxtum sl. sumar og mátti heita ófær fólksbílum. Skipta þurfti um tvö vegræsi, auk þess sem runnið hafði úr veginum og hann grafist af vatni. Hreinsa þarf frá nokkrum ræsum á vegkaflanum, einkum í Mosgili og Bæjargili. Víðimelsbræður...

Tilkynning frá RARIK: Vegna viðhalds á dreifikerfi RARIK verður rafmagnslaust frá Gilslaug að Sólgörðum og út að Molastöðum í Fljótum fimmtudaginn 13. júlí frá kl 13:00-16:00. Einnig verður rafmagnslaust frá hesthúsahverfi við Hofsós, á Höfðaströnd, í Sléttuhlíð og Fljótum frá kl 16:00-16:15. Mögulega kemur rafmagn á í stuttan tíma undir lok...

Fyrsta skemmtiferðaskipakoma sumarsins á Sauðárkrók er í dag með komu skemmtiferðaskipsins Azamara Journey. Azamara Journey er 181 m á lengd og rúmar tæplega 700 farþega. Ýmis afþreying er í boði í Skagafirði fyrir farþega skipsins, margar flottar skipulagðar ferðir á vegum ferðaþjónustunnar m.a. í Drangey, á hestbak, hringferðir um Skagafjörð...