Fréttir

Nýsköpunarmiðstöð Íslands, ásamt Sveitarfélaginu Skagafirði og Kaupfélagi Skagfirðinga, efnir til samkeppni um góðar viðskiptahugmyndir í Skagafirði. Einstaklingum, hópum og fyrirtækjum er boðið að senda inn verkefni og sækja um þátttöku. Við minnum á að umsóknarfresturinn er að renna út eftir tvo daga, er til 12. júní.

Vegna tengingar á nýrri stofnlögn verður heitavatnslaust á Sauðárkróki frá kl. 22. föstudaginn 13. júní nk. og fram eftir degi laugardaginn 14. júní

Á Hofsós vantar smíða-, handmennta-, myndmennta- og umsjónarkennara. Blönduð staða deildarstjórnunar og almennrar kennslu er laus á Sólgörðum, ásamt því að kennara og umsjónarkennara vantar á Hóla í Hjaltadal.

Vegna óviðráðanlegra orsaka munu viðgerðir á Sundlaug Sauðárkróks tefjast um nokkra daga og lokun hennar lengjast. Opnun verður auglýst síðar.

Búið er að ganga frá myndun meirihluta Framsóknarflokks og Sjálfstæðisflokks fyrir næsta kjörtímabil. Framsóknarflokkurinn fékk 5 menn kjörna og Sjálfstæðisflokkurinn 2, Vinstri grænir og óháðir og Skagafjarðarlistinn sinn mann hvor.

Síðasti fundur núverandi sveitarstjórnar verður haldinn miðvikudaginn 11. júní kl. 16:15 í Safnahúsi við Faxatorg.

Nýsköpunarmiðstöð Íslands, ásamt Sveitarfélaginu Skagafirði og Kaupfélagi Skagfirðinga, efnir til samkeppni um góðar viðskiptahugmyndir í Skagafirði. Einstaklingum, hópum og fyrirtækjum er boðið að senda inn verkefni og sækja um þátttöku. Umsóknarfrestur er til 12. júní.

Miðvikudaginn 4. júní var undirritaður verksamningur milli Skagafjarðarveitna og Frumherja ehf. vegna mælaleigu. Samningurinn er til 12 ára sem er löggildingatími mælanna. Frumherji leigir Skagafjarðarveitum mælana og sér um viðhald og þjónustu.

Deildarstjóri Árvistar stýrir daglegu starfi í Árvist sem er heilsdagsskóli Árskóla. Um er að ræða 70% starf seinni hluta dags.