Ekið var á brunahana á Hofsósi á milli jóla og nýárs með þeim afleiðingum að hann er nú farinn að leka. Skipt verður um brunahana í dag og mun því verða vatnslaust á Hofsósi einhverja stund.
Nú á tímum Covid 19 þegar mikið er um smit í samfélaginu viljum við minna á mikilvægi þess að flokka rétt. Einstaklingar sem eru í sóttkví eða einangrun skulu henda grímum, hönskum, snýtibréfum o.þ.h. í lokaða ruslapoka og setja í almennt rusl.
Hjálpumst að við að koma í veg fyrir frekari útbreyðslu Covid. Við erum öll almannavarnir!
Ó.K. Gámaþjónusta ehf. og Sveitarfélagið Skagafjörður hafa komist að samkomulagi um kaup sveitarfélagsins á öllu hlutafé í einkahlutafélaginu Flokku ehf. Með kaupunum eignast Sveitarfélagið Skagafjörður eignir Flokku ehf. en þar er m.a. um að ræða sorpmóttökustöð að Borgarteig 12 á Sauðárkróki og tilheyrandi vélar og tæki. Eru kaupin liður í...
Samkvæmt aðgerðaáætlun Sveitarfélagsins Skagafjarðar um órofna starfsemi og þjónustu vegna COVID-19 smithættu verða breytingar á starfsemi og aðgengi að Ráðhúsinu á Sauðárkróki nú í upphafi árs 2022 og þar til rýmkanir verða á gildandi takmörkunum skv. reglugerð stjórnvalda.
Ráðhúsið verður lokað en afgreiðslan verður áfram opin á hefðbundnum tíma alla virka daga frá kl. 10-12 og 12:30-15. Þangað er hægt að hringja á opnunartíma í síma 455-6000 til að fá samband við starfsmenn Ráðhússins. Einnig er hægt að senda tölvupóst á skagafjordur@skagafjordur.is. Starfsfólk í afgreiðslu mun leiðbeina og leitast við að leysa úr þeim málum sem um er að ræða í hverju tilviki.
Nú líður að lokum ársins 2021 og stendur til að kveðja það með glæsilegum flugeldasýningum.
Björgunarsveitin Skagfirðingasveit og Skátafélagið Eilífsbúar, Björgunarsveitin Grettir og Flugbjörgunarsveitin í Varmahlíð standa fyrir flugeldasýningum í Skagafirði á gamlársdag.
Sýningarnar verða sem hér segir:
Sauðárkrókur – Skotið ofan af Nöfum kl....
Við óskum starfsmönnum, íbúum Sveitarfélagsins Skagafjarðar og landsmönnum öllum gleðilegra jóla og farsældar á nýju ári með þökk fyrir ánægjuleg samskipti og gott samstarf á árinu sem er að líða.
Sveitarstjórn og sveitarstjóri Sveitarfélagsins Skagafjarðar
Helstu niðurstöðutölur fjárhagsáætlunar fyrir árið 2022 eru þær að A- og B-hluti saman, eða samstæðan í heild sinni, skilar jákvæðri afkomu upp á 86 m.kr. og veltufé frá rekstri er áætlað 544 m.kr., á meðan A-hluti er áætlaður með rekstrarhalla upp á 95 m.kr. en veltufé frá rekstri upp á 249 m.kr. Eins og sjá má af þessum tölum er lagt upp með talsvert hagfelldari afkomu á næsta ári heldur gert var ráð fyrir í fjárhagsáætlun fyrir árið 2021 en rekstur sveitarfélagsins hefur verið krefjandi á liðnum misserum vegna m.a. áhrifa heimsfaraldurs Covid-19 veirunnar.